बर्दियाको चार्ज सम्हाले दुई एसपीले, रणनीति र कार्यनीति यस्तो छ......
अनोज थारु, सुरज श्रेष्ठ, (गुलरिया, नेपालगन्ज) । जिल्ला प्रहरी कार्यालय बर्दियाका एसपी प्रवीण धिताल र सशस्त्र प्रहरी बल बर्दियाका एसपी चित्रांगत दाहालले बर्दियाको कार्यभार आधिकारिक रूपमा सम्हालेका छन् । यस अघिका एसपी सुधीर राज शाही र प्रवीण धितालबिच बरबुझारथ भएको छ भने एसपी हर्क शाही र चित्रांगत दाहालबिच पनि बरबुझारथ भएको छ । एसपी प्रवीण धितालको घर दाङको तुल्सिपुर हो । उनले डिएसपी हुँदा विभिन्न ग वर्गका जिल्ला र इलाका सम्हालेको अनुभव छ भने उनी २०७७ वैशाख १० बुधवार प्रहरी प्रधान कार्यालयमा बसेको बढुवा समितिको बैठकले २४ जना प्रहरी नायव उपरीक्षक(डिएसपी) लाई एसपी पदमा बढुवाको सिफारिस गर्दा उनी एसपीमा बढुवा भएका थिए ।
उनले नेपाल प्रहरी विशेष सुरक्षा गण कोहलपुर बाँकेको कमान्ड सम्हाली सकेका छन् भने मङ्गलवार, माघ ११, २०७८ मा सुदूरपश्चिम प्रदेश ट्राफिक प्रहरी कार्यालय अत्तरियामा प्रमुखको रूपमा काम गरेको अनुभव छ । त्यस्तै नेपाल कागजको सर्भरमा रहेको फाइलका अनुसार बझाङमा पनि प्रहरी प्रमुख भएर एसपी प्रवीण धितालले काम गरेका छन् । त्यस्तै वि.सं.२०८० असोज २६ शुक्रवार भन्दा केही अघि देखी सर्लाहीमा हिन्दु र मुस्लिम समुदायको बिचमा विवाद भएको थियो ।
यस विवादले उग्र रूप लिन पुगेपछि गृह मन्त्रालय र प्रहरी प्रधान कार्यालयले काज सरुवा गरी असोज बिहीबार सर्लाहीमा एसपी प्रवीण धिताललाई जिल्ला प्रहरी प्रमुखका रूपमा सरुवा गरेको थियो । त्यहाँ उनले राम्रो काम गरेर देखाउन सफल भएका थिए । त्यहाँ उनको ट्वाइसीका रूपमा प्रहरी प्रवक्ता एवं डिएसपी दीपेन्द्र पंजियार थारु थिए । त्यस्तै उनलाई केही पीत पत्रकारिता (एल्लो जर्नलिजम) गर्ने सबै नभएर केही पत्रकारले स्वार्थवश विवादमा तान्ने प्रयास गरेका थिए तर पनि उनलाई सङ्गठनले विश्वास गरेको थियो । अब उनले कस्तो काम बर्दियामा गरेर देखाउने छन् त्यो त समयले नै देखाउला तर समग्रमा उनलाई केही पत्रकारले दुःख दिएको र अनावश्यक विवादमा पार्ने प्रयास गरेको हामीले बुझेका छौँ । बर्दियाले राम्रो दक्ष अनुभव भएका एसपीको रूपमा धिताललाई पाएको छ । उनले काम गरेर देखाउन सक्ने धेरै ठाउँहरू रहेका छन् । ती काम उनले कसरी गर्ने छन् त्यो समयले देखाउने छ नै तर समग्रमा उनी समन्वयकारी भूमिका निर्वाह गर्न सक्ने दक्ष प्रहरी अधिकारीको रूपमा हामीले लिएका छौँ ।
त्यस्तै अब कुरा गरौँ सशस्त्र प्रहरी बल बर्दियाका एसपी चित्रांगत दाहालको । उनले करीब ६ महिना बाकेको नेपालगन्जमा रहेको भन्सार कार्यालय मातहतमा रहेर काम गरेको अनुभव छ । तस्करी नियन्त्रण र भन्सार चोरी पैठारी रोक्न रोकाउन उनले नेपालगन्जमा खेलेको भूमिका आफैमा सम्मान योग्य छ । पाठक वर्गहरूले के बुझ्नुपर्छ भने अपराधलाई न्यूनीकरण गर्न सकिन्छ तर शून्यमा ल्याउन सकिन्न भन्ने युनिभर्सल ट्रुथ अर्थात् ध्रुव सत्य हो । तसर्थ अहिले बर्दियाले दुई जना एसपी पाएको छ जसले आपसी समन्वयमा राम्रो काम गरेर देखाउन सक्छन् । यस अघि रहेका हर्क शाहीले पनि बर्दियामा राम्रो काम गरेकै थिए तर अहिले दाहाल आएपछि सीमा नाका पुरै कडा गरिएको छ । सामान्य घरायसी सामान बाहेक अरू सामान भन्सार छली हुन सक्ने वस्तुहरूमा रोक लगाएको छ । उनले आफू आएपछि क्यारिङ्ग गर्नेहरूको रुट पत्ता लगाएर उक्त रुटमा समेत सशस्त्र प्रहरी परिक्षालन गरेका छन् । दुवै एसपीको बानि व्यवहार कस्तो छ भनेर कनिष्ठ प्रहरीहरूले पर्ख र हेरको अवस्थामामा बसेको दुवै सङ्गठनमा रहेका विश्वस्त स्रोतले जानकारी दिए । केही प्रहरी अधिकारीहरूका अनुसार जिप्रका एसपीले फरार प्रतिवादीलाई कानुनको दायरामा ल्याउन र सजाय पाएर भागेका फरार अपराधीहरूलाई न्यायपालिकामा उपस्थित गराइ अपराध नियन्त्रण गर्न पहिलो कदम चालेको जानकारी हामीले पाएका छौँ ।
त्यस्तै एपीएफका एसपी दाहाल सशस्त्र प्रहरी बलका १६ जना प्रहरी उपरीक्षक (सप्रउ) बढुवाका लागि सिफारिसमा परेर बढुवा भएका हुन । सशस्त्र प्रहरी मुख्यालय हल चोकले सोमबार, ५ माघ २०७७ मा १६ जना प्रहरी नायब उपरीक्षकलाई बढुवा सिफारिस गर्दा चित्रांगत दाहाल पहिलो नम्बरमा परेका थिए । तत्कालीन समयमा बढुवा समितिको बैठकले वरिष्ठतम प्रहरी नायब उपरीक्षकहरूलाई बढुवा सिफारिस गरेको थियो जसको बोधार्थ गृहमा पठाइएको थियो । सशस्त्र प्रहरी नियमावली २०७२ को नियम ३९ को उपनियम (१) ग बमोजिम बढुवा समितिको माघ ५ गतेको निर्णय अनुसार बढुवा सिफारिसमा परेका दाहाल परेका थिए । उनले बर्दियाको चार्ज सम्हाले लगत्तै नेपाल भारत सिमानाकामा हुनसक्ने अपराधकी क्रियाकलाप रोक्न तदारुकताकारसाथ लाग्न निर्देशन दिएको हाम्रो स्रोतले जानकारी दियो । त्यस्तै दहलाले निर्वाचनको बेला खेलेको समन्वयकारी भूमिकाका कारण सङ्गठनले उनलाई विश्वास गर्छ । आइतबार, ०१ जेठ २०७९ का बखत स्थानीय निर्वाचनमा दुई पार्टीका कार्यकर्ताबिच झडप हुँदा जुम्लाको शङ्कर माविमा रहेको मतदान केन्द्रमा मतदान स्थगित भएको थियो । त्यस बेला सशस्त्र प्रहरी ३३ नम्बर गणका गणपति चित्रांगत दाहाल लगायत अन्य सुरक्षा निकायको पहलमा मतदान सुचारु गर्दै सहायक निर्वाचन अधिकृत रबी भण्डारीलाई आक्रमण हुनबाट आफै खटेर बचाएका थिए । त्यस बेला प्रमुख जिल्ला अधिकारी विजयकुमारी प्रसाईँ रहेकी थिइन ।
समग्रमा भन्दा दुवै एसपी, राष्ट्रिय अनुसन्धान विभाग, सेनाको इन्टेलिजेन्स विभाग अन्तर्गतको डिएमआई र सिडिओको तालमेल र समन्वय भएमा बर्दियाको शान्ति सुरक्षा, अपराध नियन्त्रण, चोरीका बढ्दो घटना, तस्करीलाई न्यूनीकरण गर्ने प्रबल भरपुर सम्भावना देखिन्छ । राष्ट्रिय अनुसन्धान विभाग, सेनाको इन्टेलिजेन्स विभाग अन्तर्गतको डिएमआईको प्रत्यक्ष संलग्नता नहुने भएकोले यी दुई राम्रा छवि भएका एसपीले के-कस्ता काम गर्नेछन् त्यो त हनिमुन पिरेड (३ महिना) पछि हाम्रा पाठक वृन्द लाई जानकारी गराउने नै छौँ ।
