बर्दिया । आफुले पाएको जनताको अभिमतको पूर्ण सम्मान गर्दै बर्दिया जिल्लाको विकासमा अँंझै अग्रणी भुमिका खेल्ने युवा नेता विनय रावलले बताउनुभएको छ ।
लोकतन्त्रमा हार जित स्वभाविक भएपनी ३ महिना अघि मात्र राप्रपा प्रवेश गर्दा पर्याप्त समय नभएपनि १३ हजार जनताले आफुलाई भोट हालेकोमा हृदय देखि खुशी लागेको उहाँको कथन छ ।
उहाँले भन्नुभयो, "बर्दियामा राप्रपाको सांगठनिक पक्ष अत्यन्तै कमजोर छ, धेरै मत निर्वाचन आयोगले समयमै नमुना मतदान गराएर जनतालाई तालिम दिन नसकेपछि बदर भएका छन । ३ महिना अघि कांग्रेस छोडेर राप्रपा आउँदा म सँग केही थिएन तर आज १३ हजार जनता मेरो पछाडी पाएको छु । अब झनै कर्तव्यबोधताका साथ अगाडि बढ्छु र विकसित र व्यवस्थित बर्दिया बनाएरै थाल्ने मेरो अभियान छ ।"
उहाँले अगाडि भन्नुभयो, "निर्वाचन गराउने मुख्य जिम्मा निर्वाचन आयोगको हुन्छ । आयोगले सफलतापूर्वक निर्वाचन सम्पन्न गरेकोमा म बधाई दिन चाहन्छु । निर्वाचनलाई शान्तिपूर्ण र धाँधलीरहित वातावरणमा सम्पन्न गराएकोमा नेपाल सरकार र सम्वद्ध सबै सुरक्षा निकायप्रति पनि कृतज्ञता व्यक्त गर्दछु । तर, निर्वाचन आयोगको भूमिकालाई लिएर मेरा केही सवाल छन् । आयोगले निर्वाचनको मुखमा आएर मात्रै निर्वाचनसम्बन्धी गतिविधि गर्नु युक्तिसंगत होईन । यसपटकको निर्वाचनमा त्यस्तै त्रुटि आयोगबाट भएको छ । जुन ठूलो गल्ती हो । आयोगले अहिलेपनि मतदाता शिक्षालाई प्रभावकारी रुपमा कार्यान्वयन गर्न सकेको छैन् । निर्वाचनप्रति जनताको उत्साह जगाउन आयोगको पनि मुख्य भूमिका हुन्छ । आयोगका पदाधिकारीहरुले निर्वाचनमा मतदाताहरुको उच्च सहभागिताको लागि आगामी दिनमा सकारात्मक भूमिका निर्वाह गर्नैपर्छ ।"
![ban](https://www.nepalkagaj.com/uploads/bigyaapan/87479600.png)
युवा नेता तथा समाजसेवी विनय रावलले भन्नुभयो, "निर्वाचनमा विजय हुने उम्मेदवारहरु अहिलेपनि जनताको घरदैलोमा विजय र्याली लिएर पुग्ने गरेका छन् । पराजित उम्मेदवारहरु निराश छन् । तर, बर्दिया-२ मा राप्रपाका उम्मेदवार रहेको म भने निर्वाचनमा पराजय भोगेपनि खुशी छु । मलाई आभास भएको छ की करिब१३ हजार जनता मेरो पछाडी छन । अब म झनै जिम्मेवार भएर प्रस्तुत हुनेछु ।"
तर, कांग्रेसबाट राप्रपा प्रवेशको दुई महिनामात्रै भएको र निर्वाचनकै मुखमा खुट्टामा चोट लागेर काठमाडौंको ग्राण्डी अस्पताल बस्नु परेकोले उहाँले जति तयारी गर्नुपर्ने थियो, त्यति निर्वाचनको तयारी गर्न सक्नुभएन । उहाँ वैशाखीको सहारा लिएर निर्वाचनको केही दिन अघिबाट मात्रै जनताको घरदैलोमा पुग्नुभएको थियो ।
नयाँ पार्टी र निर्वाचन प्रचारप्रसारमा पर्याप्त समय दिन नसक्दापनि उहाँले जनताबाट लोभलाग्दो मत पाउनुभयो । उहाँले आफूले पाएको मतलाई जनताको अपार मायाको रुपमा लिनुभएको छ । हुन पनि उहाँले १३२९२ मत प्राप्त गर्नुभएको छ । उहाँले प्राप्त गरेको मतबाट पार्टी नेतृत्वपनि खुशी भएको छनक पाइसकेको अवस्था छ ।
राप्रपाको अत्यन्तै कमजोर संगठन, थाकेका जेष्ठ कार्यकर्ताहरुका बाबजुद पनि बर्दिया क्षेत्र नं. २ का बर्दियाली जनताले दिएको १३,२९२ जनमतलाई सदैव शिरोधार्य गरी वैधानिक रुपमा जनप्रतिनिधिको भूमिकामा नरहेपनि जनताको मनको प्रतिनिधिका रुपमा रहि दुःख सुखमा सदैव साथ दिने प्रतिवद्धता समाजसेवी नेता रावलले गर्नुभएको छ ।
बर्दियामा नेता रावलको व्यक्तित्व नै राजनीतिज्ञ भन्दापनि समाजसेवीको रुपमा बढि शानदार र लोकप्रिय छ । नेता रावल पनि आफूलाई राजनीतिज्ञ वा नेता भन्दापनि जनताको सेवकको रुपमा चिनाउने गर्नुहुन्छ । यतिवेला रावल काठमाडौंमा हुनुहुन्छ । उहाँ अहिलेपनि चिकित्सकको निगरानीमा हुनुहुन्छ र, बेड रेष्ट गरिरहनुभएको छ ।
काठमाडौं होस वा नेपाल बाहिरको बसाईमा उहँले बर्दियालाई मन र मस्तिष्कमा सजाएर राक्नुभएको छ । बर्दियाको समग्र विकासलाई अघि बढाउन आफू अहोरात्र खटिने उहाँकि प्रतिबद्धता छ । उहाँले बर्दियाको विकासको लागि ‘विकसित र व्यवस्थित् बर्दिया’ को नारा अघि सार्नुभएको छ जुन बर्दियाको भोलीको विकासको मार्गचित्र हो ।
उहाँले बर्दियामा कृषि र पर्यटनमा क्रान्ति ल्याएर छाड्ने उद्घोष गर्नुभएको छ । रावलले चुनावमा आफूले पाएको मतलाई ठूलो सफलता र जनताको मायाको उपहारका रुपमा लिनुभएको छ ।
युवा नेता तथा समाजसेवी विनय रावलले विजय प्राप्त नगरेपनि आउने दिनमा विजयको बिगुल फुकिसक्नु भएको छ ।