उत्तरप्रदेशका जेलमा रहेका बर्दियालीलाई आममाफी दिलाएर घर फर्काउँदै युवा नेता रावल

राजनीति

Home
राजनीति
उत्तरप्रदेशका जेलमा रहेका बर्दियालीलाई आममाफी दिलाएर घर फर्काउँदै युवा नेता रावल

उत्तरप्रदेशका जेलमा रहेका बर्दियालीलाई आममाफी दिलाएर घर फर्काउँदै युवा नेता रावल

बर्दिया । राष्ट्रिय प्रजातन्त्र पार्टीका नेता विनय रावलले उत्तरप्रदेशका मन्त्रीसँग उत्तरप्रदेशका जेलमा जीवन बिताइरहेका नेपालीहरू बिशेषत: बर्दियाका नागरिकहरू जो अनाहकमा कानुनी सुबिधा नपाएर कारागारमा छन, ती बर्दियाली नागरिकहरूलाई छुटाउनको लागि पहलको सुरुवात गर्नुभएको छ ।

उहाँको निमन्त्रणा स्विकार्दै नेपाल भ्रमणमा आउनुभएका भारतीय नेता एवं भारत उत्तर प्रदेश सरकारका राज्यमन्त्री (स्वतन्त्र प्रभार) धर्मवीर प्रजापतिबीच भएको भेटवार्तामा युवा नेता रावलले यो विषयको उठान गर्नुभएको छ ।

उहाँले भारतको उत्तरप्रदेश बर्दियालीहरूको लागि नजिक भएकाले धेरै बर्दियाका नागरिकहरू काम तथा रोजगारको सिलसिलामा उत्तरप्रदेश गएको बेला सामान्य गल्तीमा पनि उचित कानुनी परामर्श तथा कानुनी सल्लाहकार नपाएका कारण वर्षौं जेलजीवन बिताइरनु परेको अवस्था रहेकाले त्यस्ता नेपाली नागरिकलाई कानुनी प्रक्रिया पुर्‍याएर सजाय माफ गरेर नेपाल फर्कने वातावरण मिलाइदिन भारतिय जनता पार्टीका प्रभावशाली नेता समेत रहनुभएका राज्यमन्त्री (स्वतन्त्र प्रभार) प्रजापतिसँग अनुरोध गर्नुभएको छ ।

समाजसेवी तथा युवा नेता रावलको आग्रहलाई स्विकार्दै उत्तरप्रदेशका राज्यमन्त्री (स्वतन्त्र प्रभार) प्रजापतिले भारतीय जेलमा रहेका बर्दियाली नागरिकलाई उत्तरप्रदेश सरकारले निशुल्क कानुनव्यवसायी उपलबध गराउने तथा सजाय माफ गर्ने प्रबन्ध मिलाएर कैदबाट रिहा गर्ने प्रतिबद्धता गरेको नेपालकागजसँग कुरा गर्दै राप्रपाका प्रभावशाली नेता रावलले जानकारी दिनुभयो ।

प्रकाशित मिति: मंगलबार, भदौ २८, २०७९ १९:१६

प्रतिक्रिया दिनुहोस्