बर्दियाको मधुवनमा बाघको आक्रमणमा परेका थारुको परिवारलाई नेता रावलले राहत उपल्ब्ध गराउने, हेर्नुहोस् प्रेस विज्ञप्ति
बर्दिया । बर्दियाको मधुवनमा बाघको आक्रमणमा परेका ६१ वर्षीय झुठारु थारूको परिवारलाई राष्ट्रिय प्रजातन्त्र पार्टीका प्रभावशाली युवा नेता तथा बर्दियाका समाजसेवी विनय रावलले राहत उपलब्ध गराउने घोषणा गर्नुभएको छ ।
युवा नेता तथा समाजसेवी रावलले एक प्रेस विज्ञप्ति जारी गर्दै बर्दियाली जनताले यसरी ज्यान गुमाइरहँदा स्थानीय निकाय र स्थानीय सरकार तथा प्रदेश र केन्द्रीय सरकारलाई जनताको सुरक्षाको ग्यारेन्टी गर्न गम्भीर ध्यानाकर्षण गराउनुभएको छ । उहाँले यस घटनाबाट आफु अत्यन्तै मर्माहित भएको र आफ्नो गम्भीर ध्यानाकर्षण भएको बताउनुभएको छ ।
हेर्नुहोस् राष्ट्रिय प्रजातन्त्र पार्टीका प्रभावशाली युवा नेता तथा बर्दियाका समाजसेवी विनय रावलले जारी गरेको प्रेस विज्ञप्ति
मधुवन वडा नम्बर २ अम्बरपुर गाउँको ६१ वर्षीय झुठारु थारू भदौ २६ गते हिँजो करिब १ बजे भैंसी चराउन गएका बेला लापत्ता भएको हृदयविदारक समाचार तथा सुचना प्राप्त भयो । उहाँको आज बिहान करिब ९ बजे कुस्मिनिया सामुदायिक वन वडा नम्बर २ मा आन्द्राभुँडीको सानो टुक्रा घुँडा देखि मुनिको खुट्टा भेटिएको जानकारी विभिन्न स्रोत तथा प्रतिष्ठित पत्रिका नेपाल कागज डट कमबाट प्राप्त भयो ।
उहाँका झोला, रुमाल छाता लठ्ठी चप्पल लगाएको कपडा भेटिएको र सोही ठाउँ नजिक बाघको पञ्जाहरू भेटिएकाले बाघको आक्रमणमा परि श्री झुठारु थारू स्वर्गीय भएको सूचना तथा समाचार प्राप्त भएको छ । यस घटनामा परेर ज्यान गुमाउनुभएका थारू प्रति हार्दिक श्रद्धाञ्जली व्यक्त गर्दै उहाँको परिवारलाई ईश्वरले धैर्यधारण गर्नसक्ने शक्ति प्रदान गरून् ।
यस्ता घटनाबाट बर्दियाली जनताले यसरी ज्यान गुमाइरहँदा स्थानीय निकाय र स्थानीय सरकार तथा प्रदेश र केन्द्रीय सरकारलाई जनताको सुरक्षाको ग्यारेन्टी गर्न गम्भीर ध्यानाकर्षण गराउँछु । यस घटनाबाट म अत्यन्तै मर्माहित भएको छु र मेरो गम्भीर ध्यानाकर्षण भएको छ । यस घटनाबाट पीडित हुन पुगेको परिवारलाई मेरो व्यक्तिगत तर्फबाट आर्थिक राहत तुरुन्तै उपलब्ध गराउने प्रतिबद्धता व्यक्त गर्छु ।
मेरा बर्दियाली जनता विशेष गरि थारू समुदायका आमाबुबाले ज्यान गुमाउनुपरेको अवस्थामा मानव वन्यजन्तु द्वन्द्व न्यूनिकरणमा मैले विभिन्न पक्षसँग छलफल गरेर दीर्घकालीन समाधानको लागि हरसम्भव प्रयास गरेको सर्वविदितै छ ।
मैले नेपाली कांग्रेसकै सरकार भएको बेला महाधिवेशन प्रतिनिधिको रूपमा फेन्सिङ वाल लगाउन बजेट छुट्ट्याउन प्रधानमन्त्री देखी लिएर बिभिन्न सरोकारवाला निकायकामा डेलिगेसन गएर निकै प्रयास गरेँ र उक्त प्रयास स्वरूप बजेट समेत् छुट्टाइसकेको अवस्थामा मेरै कांग्रेसका साथीहरू गएर विनय रावलले गरेका काममा सहयोग नगर्न नगराउन उल्टो डेलिगेसन गएको थाहा पाउँदा अत्यन्तै मर्माहित र दुखी भएँ ।
विनय रावललाई सहयोग गर्नुपर्छ भन्ने सोँच नराखेर सौताको जस्तो व्यवहार गर्दै बर्दियाको बिकासमा उल्टो अवरोध गरेपछि मैले महाधिवेशन प्रतिनिधिको पद जनतालाई सहयोग गर्न सक्दिन भनेँ म यो पदमा बस्न मिल्दैन भन्ने नैतिकताले झक्झक्याएपछि कांग्रेसको गरिमामाया पद नै त्याग गरेको हुँँ ।
जनताको सेवा गर्न सक्दिन भने मलाई कुनै लोभ लालच र प्रतिष्ठाको लोभ र भोक नभएको मैले कांग्रेसको महाधिवेशन प्रतिनिधि पदबाट दिएको राजिनामाले पुष्टि गरेको बर्दियाली जनतालाई थाहा भएकाइ कुरा हो ।
अन्त्यमा बाघको आक्रमणबाट ज्यान गुमाउनुभएका थारू प्रति श्रद्धा सुमन अर्पण गर्दै उहाँको परिवारलाई उचित राहतको व्यवस्था गर्न आज अहिल्यैबाट लागेको बर्दियाली जनतालाई जानकारी गराउँछु ।
उहाँको परिवारलाई मेरो व्यक्तिगत पहलमा राहत उपलब्ध गराउने सहर्ष जानकारी गराउँछु । धन्यवाद, जय राष्ट्रवाद ।
