बलिउड अभिनेता दिलिप कुमारको निधन

समाज

Home
समाज
बलिउड अभिनेता दिलिप कुमारको निधन

बलिउड अभिनेता दिलिप कुमारको निधन

एजेन्सी । बलिउड अभिनेता दिलिप कुमारको निधन भएको छ । मुम्बईको हिन्दुजा अस्पतालमा उहाँको निधन भएको हो ।
९८ बर्षका दिलिप कुमारलाई पछिल्लो केही समय यता सास सम्बन्धी समस्या रहेको थियो । दिलिप कुमारले अभिनय करियरमा कयौं हिट फिल्म दिनुभएको थियो ।

९८ वर्षीय उहाँलाई स्वास प्रस्वासमा समस्या भएपछि अस्पताल भर्ना गरिएको थियो । फोक्सोमा पानी जमेको उपचारपछि पुष्टि भएको थियो । उपचारकै क्रममा उहाँको मृत्यु भएको हो।

मुम्बईको हिन्दुजा अस्पतालमा बुधवार बिहान साढे सात बजे उहाँको मृत्यु भएको उपचारमा खटिएका डाक्टर जलिल पार्करले समाचार एजेन्सी पीटीआइलाई दिनुभएको छ ।

पाकिस्तान, पेशावरमा सन् १९२२ डिसेम्बर ११ मा जन्मिनुभएका मोहम्मद युसुफ खान (दिलिप कुमार)को परिवारले तत्कालीन बम्बई बसाइ सरेको थियो ।

सन् १९४४ मा रिलिज भएको फिल्म ‘ज्वारभाटा’मार्फत् अभिनयमा डेब्यू गर्नुभएका दिलिप कुमार त्यतिबेला भर्खर २२ वर्षको हुनुहुन्थ्यो । त्यसपछि निरन्तर पाँच दशक फिल्म क्षेत्रमा सक्रिय रहनुभएका कुमारले दर्जनौं फिल्ममा काम गरिसक्नुभएको छ । कोहिनूर, मुगल-ए-आजम, शक्ति, नयाँ दौर, राम ओर श्याममा उहाँले निर्वाह गरेका भूमिका चर्चित छन्।

सन् १९९८ मा बनेको फिल्म ‘किला’ उहाँको अन्तिम फिल्म बन्यो।

एजेन्सीको सहयोगमा

प्रकाशित मिति: बुधबार, असार २३, २०७८ ११:०३

प्रतिक्रिया दिनुहोस्