कम हुँदै कोरोना संक्रमण : थप १२७ जनामा संक्रमण पुष्टि, तीन जनाको निधन

स्वास्थ्य

Home
स्वास्थ्य
कम हुँदै कोरोना संक्रमण : थप १२७ जनामा संक्रमण पुष्टि, तीन जनाको निधन

कम हुँदै कोरोना संक्रमण : थप १२७ जनामा संक्रमण पुष्टि, तीन जनाको निधन

काठमाडौँ । देशभर पछिल्लो २४ घण्टामा थप १२७ जनामा कोरोना भाइरस सङ्क्रमण पुष्टि भएको छ भने थप तीन जनाको निधन भएको छ । स्वास्थ्य तथा जनसङ्ख्या मन्त्रालयका अनुसार पछिल्लो समय छ हजार ८७४ को परीक्षण गर्दा उक्त सङ्ख्यामा सङ्क्रमण पुष्टि भएको हो ।

योसँगै नेपालमा पीसीआर विधिबाट गरिएको परीक्षणमा कोरोना भाइरस सङ्क्रमितको सङ्ख्या नौ लाख ७७ हजार १९९ पुगेको छ । एन्टिजेन परीक्षण गर्नेको सङ्ख्या एक लाख ३९ हजार हजार ४५७ रहेको छ । पछिल्लो समय थप ३२१ सङ्क्रमणमुक्त भएका छन् । योसँगै सङ्क्रमणमुक्त हुनेको सङ्ख्या नौ लाख ५७ हजार ४८८ पुगेको छ ।

हालसम्म कोरोना भाइरस सङ्क्रमणबाट मृत्यु हुनेको सङ्ख्या ११ हजार ९४१ पुगेको छ भने पछिल्लो २४ घण्टामा थप तीन जनाले ज्यान गुमाएको मन्त्रालयले जनाएको छ । यस सङ्क्रमणबाट मृत्यु हुने दर १.२ प्रतिशत रहेको छ ।

त्यसैगरी पछिल्लो समय ३५ हजार ७८८ ले खोप लगाएको मन्त्रालयले जनाएको छ । हाल सक्रिय सङ्क्रमितको सङ्ख्या सात हजार ७७० रहेका छन् । हाल होम आइसोलेसनमा सात हजार ५८० रहेका छन् । त्यसैगरी संस्थागत आइसोलेसनमा १९० आइसीयुमा ६८ र भेन्टीलेटरमा १० जनाले उपचार गराइरहेका छन् ।

प्रकाशित मिति: बुधबार, फागुन १८, २०७८ १८:१०

प्रतिक्रिया दिनुहोस्