आइएमएसका अध्यक्ष तथा चेम्बर अफ कमर्शका उपाध्यक्ष मल्होत्राले अक्सिजन सिलिण्डर वितरण गर्ने

समाज

Home
समाज
आइएमएसका अध्यक्ष तथा चेम्बर अफ कमर्शका उपाध्यक्ष मल्होत्राले अक्सिजन सिलिण्डर वितरण गर्ने

आइएमएसका अध्यक्ष तथा चेम्बर अफ कमर्शका उपाध्यक्ष मल्होत्राले अक्सिजन सिलिण्डर वितरण गर्ने

काठमाडौं । आइएमएस ग्रुपका अध्यक्ष तथा व्यवसायी दिपक मल्होत्राले चीनबाट २२५० थान अक्सिजन सिलिण्डर ल्याएर सरकारी अस्पताललाई निशुल्क वितरण गर्नुहुने भएको छ ।

नेपालमा कोरोना संक्रमितहरुले अस्पताल पुगेर अक्सिजन पाउन नसक्दा अकालमै ज्यान गुमाउनु परेको भन्दै मल्होत्राले चीनबाट सिलिण्डर ल्याएर वितरण गर्न लाग्नुभएको हो ।

नेपाल चेम्बर अफ कमर्शका उपाध्यक्ष समेत रहनुभएका मल्होत्राले शुक्रबारसम्म चीनबाट २२५० थान अक्सिजन सिलिण्डर नेपाल आइपुग्ने जानकारी दिनुभयो ।

चेम्बर मार्फत् सरकारी अस्पताललाई कम्तिमा ५०० थान निःशुल्क अक्सिजन सिलिण्डर उपलब्ध गराउने बाताइएको छ भने निजी अस्पतालहरुलाई शुल्क लिएर बिक्री गर्ने उहाँले जानकारी दिनुभयो । मल्होत्राको डीएम फाउण्डेशनले उक्त सिलिण्डर ल्याउन लागेको हो ।

फाउण्डेशनले केही चेम्बरलाई निःशुल्क दिने र केही लागत खर्चमा किनेर सरकारी अस्पतालहरुलाई निःशुल्क सिलिण्डर उपलब्ध गराउने छ ।

महामारीको समयमा अक्सिजन सिलिण्डरको अभाव हुन नदिन आफूले चीननबाट सिलिण्डर मगाएको बताउँदै मल्होत्राले भन्नुभयो– ‘अब नेपालमा सिलिण्डरको अभाव हुँदैन । अबको समस्या भनेको ग्यासको हो, त्यसमा पनि केही काम गर्ने सोचका साथ अघि बढिरहेको छु । ’मल्होत्राले अघिल्लो वर्षको लकडाउनकै समयमा करोडौं लागनी गरी मास्क उत्पादन गरेर बिक्री वितरण गर्दै आउनुभएको थियो । मास्कको हाहाकार भएको त्यतिबेला मल्होत्राको कम्पनीले दैनिक ८० हजारसम्म मास्क उत्पादन गरेर बाजारमा मास्कको अभाव हुन दिएको थिएन ।

प्रकाशित मिति: मंगलबार, जेठ ४, २०७८ १४:१०

प्रतिक्रिया दिनुहोस्