सल्यानमा जिपको ठक्करबाट २ जना विद्यार्थीको मृत्यु

देश

Home
देश
सल्यानमा जिपको ठक्करबाट २ जना विद्यार्थीको मृत्यु

सल्यानमा जिपको ठक्करबाट २ जना विद्यार्थीको मृत्यु

सल्यान : जीपको ठक्करबाट सल्यानमा २ जना विद्यार्थीकाे मृत्यु भएकाे छ । शुक्रबार बिहान १० बजे शारदा नगरपालिकाकाे बरला नजिकै लु २ च ५७०१ नम्बरको डबल क्याप जिपले ठक्कर दिँदा घाइते बनेका शारदा नगरपालिका ६ का १८ बर्षकि रेखा बुढाथोकी र सुनिता नेपालीकाे मृत्यु भएकाे हाे ।

थप उपचारका लागि नेपालगन्ज लिदै गर्दा राम्रीमा उनिहरुकाे मृत्यु भएकाे बताइएकाे छ । जीपकाे ठक्करबाट अन्य ३ जना गम्भीर घाइते छन् ।

मृतक र घाइते सबै शिवजन मावि शितलपाटीका विद्यार्थी हुन् । जिप ओभर स्पिडका कारण दुर्घटना भइ सडकको छेउमा सल्लाको छहारीमा बसेका बिद्यार्थीहरुलाई ठक्कर दिएकाे थियाे ।

दुर्घटनामा परेर घाइते हुनेमा शारदा नगरपालिका ६ की अन्दाजी १८ बर्सिया मिना परियार, सोही ठाउँकी १६ बर्सिया सुशीला नेपाली र १८ बर्सिया दिपा बुढाथोकी रहेका छन् । उनिहरुलाई थप उपचारको लागि नेपालगन्ज रिफर गरिएको छ ।

चालक प्रहरीकाे नियन्त्रणमा रहेकाे र घटनाबारे थप अनुसन्धान भैरहेको जिल्ला प्रहरी कार्यालय सल्यानले जनाएको छ ।

प्रकाशित मिति: शुक्रबार, असोज १५, २०७८ १४:३६

प्रतिक्रिया दिनुहोस्