इजरायल-प्यालेस्टाइन द्वन्द्वमा १०० भन्दा बढी प्यालेस्टिनी र ७ इजरायली नागरिकको मृत्यु

समाज

Home
समाज
इजरायल-प्यालेस्टाइन द्वन्द्वमा १०० भन्दा बढी प्यालेस्टिनी र ७ इजरायली नागरिकको मृत्यु

इजरायल-प्यालेस्टाइन द्वन्द्वमा १०० भन्दा बढी प्यालेस्टिनी र ७ इजरायली नागरिकको मृत्यु

गाजातर्फबाट प्रहार गरिएका रकेटलाई निष्प्रभावी बनाउँदै इजरायलको डोम एन्टिमिसाइल सिस्टम तस्बिर : रोयटर्स

एजेन्सी । प्यालेस्टाइनसँगको टकराव बढ्दै जाँदा इजरायले गाजास्थित सीमा क्षेत्रमा ठूलो संख्यामा सैन्य बल तैनाथ गरेको छ । सोमबारदेखि जारी संघर्षमा दुवै पक्षबाट हवाई आक्रमण भइरहेका बेला सीमामा इजरायलले सेना तैनाथ गरेको हो ।

इजरायलले अब जमिनबाट पनि प्यालेस्टिनी विद्रोही संगठन हमासमाथि कारबाही गर्ने योजना बनाएको अन्तर्राष्ट्रिय सञ्चारमाध्यमले जनाएका छन् । सीमामा इजरायली सेनाले बख्तरबन्ध गाडी र ठूलो मात्रामा हतियारहरु ल्याएको छ । सेनाले कम्तीमा पनि ७ हजार रिजर्भ सैनिकलाई सीमामा बोलाएको बताइएको छ ।

बीबीसीका अनुसार सोमबार रातिदेखि सुरु भएको दोहोरो आक्रमणमा परी १ सयभन्दा बढीको मृत्यु भएको छ । प्यालेस्टाइनतर्फ २७ जना बालबालिकासहित १ सयभन्दा बढी र ७ जना इजरायली आक्रमणमा मारिएका छन् ।

गाजास्थित सीमा क्षेत्रमा हतियारसहित तैनाथ भएका इजरायली सैनिक तस्बिर : रोयटर्स

यसैबीच इजरायलकै विभिन्न ठाउँमा यहुदी र अरब समुदायबीच झडप भइरहेको छ । इजरायलका रक्षामन्त्री बेनी ग्यान्ट्ज शान्ति स्थापनाका लागि सुरक्षा व्यवस्था चुस्त र कडा पार्न निर्देशन दिएका छन् । अहिलेसम्म हिंसामा संलग्न ४ सयभन्दा बढीलाई पक्राउ गरिएको पनि बताइएको छ ।

गाजा र इजरायलमा सोमबारदेखि भड्किएको हिंसा सन् २०१४ यताकै गम्भीर हो । यसको सुरुवाती पूर्वी जेरुसेलममा गत शुक्रबार अल मक्सा मस्जिदनजिक भएको झडपबाट सुरु भएको हो । त्यसको तीन दिनपछि सोमबारदेखि भने दुवै पक्षबाट रकेट र मिसाइल हमला भइरहेको छ ।

प्रकाशित मिति: शुक्रबार, वैशाख ३१, २०७८ ११:२०

प्रतिक्रिया दिनुहोस्