लमही : लमही बजारको आर्कषण र ब्यापारिक चहल पहल बढाउन देउखुरी उधोग बाणीज्य संघले लमही बजारलाई झिलिमिली बनाउने भएको छ। संघले दशै तिहार तथा छठ पर्वको बिशेष उपहार कार्यक्रम संचालनमा समेत ल्याउने भएको छ ।
देउखुरी उधोग वाणिज्य संघले मंगलबार लमहीमा पत्रकार सम्मेलन गरि सो कुराको जानकारी दिएको हो। चाडपर्वको बेला दैनिक उपभोग्य बस्तु खरिदका लागि बजारमा आउने उपभोक्ताहरुलाई आकर्षित गर्न र उपभोक्ताहरुको सामानको पैसा उपभोक्तालाई नै दिने गरि दशै देखि छठ सम्म करिब डेड महिना उपहार बिशेष कार्यक्रम सचालन गरिने बताइएको छ।
त्यस्तै, तिन हजारदेखि माथिको सामान खरिद गर्नेलाई उपहार प्रदान गरिने देउखुरी उधोग बाणिज्य संघका अध्यक्ष खगेश्वर खनालले जानकारी दिए । उनले ग्राहक र ब्यापरी बिचको समन्वय स्थापित गर्नका लागि उधोग बाणिज्य संघले यो बर्ष नयाँ कामको थालनी गरेको बताए ।
कार्यक्रमका लागि करिब १५ लाख बराबरको आर्थिक खर्च लाग्ने र त्यसका लागि देउखुरी उधोग बाणिज्य संघले ३० हजार टिकट बिक्री गर्ने गरि कार्य अघि बढाएको उधोग बाणिज्य संघका महासचिब लेखराज केसिले बताए ।
"उधोग बाणिज्य संघले लमही बजारलाई झिलिमिलि बनाउनुका साथै दशै तिहारको बिचमा फुड फेस्टिबल तथा लमहीको साबृजनिक बगैचामा सास्कृतिक कार्यक्रमको समेत आयोजना गरिने छ ", केसीले भने, "सो अवसरमा उपाध्यक्ष केशब आचार्यले लमही बजारमा आउने ग्राहकहरुको आर्कषण बढाउनका लागि उधोग बाणिज्य संघले उपहार बिशेष कार्यक्रम सचालनमा ल्याउन लागेको र मोटर साइृकिल देखि उपभोग्य सामाग्रीहरु पनि उपहारको व्यवस्था रहेको छ।"
खुल्ला सिमानाका कारण देउखुरी उपत्यकाका ग्राहकहरु सिमावर्ती भारतको बजारमा गएर सस्तोमा सामान ल्याउने गरेकोले बजार मुल्यमा एक रुपता ल्याउनुका साथै उपभोग्य सामाग्रीहरुको मनपरि मुल्य निर्धारण गरेर सामान बेच्ने कार्यलाई निरुत्साहन गर्नका लागी उधोग बाणिज्य संघले भुमिका निर्बाह गर्ने बताइएको छ।
देउखुरी उद्योग बाणिज्य संघका अध्यक्ष खगेस्वर खनालको अध्यक्षतामा भएको उक्त कार्यक्रमको सहजीकरण पत्रकार पृयास्मृति गजमेरले गरेका थिए ।
