अफगानिस्तानको पछिल्लो घटनाक्रम ‘साझा चिन्ताको विषय’ - परराष्ट्रमन्त्री नारायण खड्का

देश

Home
देश
अफगानिस्तानको पछिल्लो घटनाक्रम ‘साझा चिन्ताको विषय’ - परराष्ट्रमन्त्री नारायण खड्का

अफगानिस्तानको पछिल्लो घटनाक्रम ‘साझा चिन्ताको विषय’ - परराष्ट्रमन्त्री नारायण खड्का

काठमाडौँ । नेपालले अफगानिस्तानमा पछिल्लो समय विकसित घटनाक्रम सबैको चिन्ताको विषय भएको बताएको छ ।

मंगलबार न्युयोर्कमा संयुक्त राष्ट्र संघको ७६औं महासभालाई सम्बोधन गर्दै परराष्ट्रमन्त्री नारायण खड्काले अफगानिस्तानको पछिल्लो घटनाक्रम ‘साझा चिन्ताको विषय’ भएको बताउनुभएको हो ।

परराष्ट्रमन्त्री खड्काले शान्ति, सुरक्षा र स्थायित्वका लागि अफगानिस्तानका सबै पक्षलाई सहमति जुटाउन पनि आग्रह गर्नुभएको छ । त्यस्तै उहाँले अफगानी नागरिकको आधारभूत अधिकारको सुनिश्चितता हुनुपर्ने पनि बताउनुभयो । ‘अफगानी नागरिकको आधारभूत अधिकारको सुनिश्चितता हुनुपर्छ, उनीहरूले इज्जतका साथ जीवन बाँच्न पाउनुपर्छ,’ खड्काले सम्बोधनका क्रममा भन्नुभयो । त्यस्तै यूएन चार्टरमा आधारित भएर अफगानिस्तानले अन्तर्राष्ट्रिय समुदायसँग सम्बन्ध बनाउनुपर्नेमा पनि परराष्ट्रमन्त्री खड्काको जोड थियो ।

त्यस्तै परराष्ट्रमन्त्री खड्काले म्यानमारमा प्रजातन्तत्र पुनर्बहालीका लागि सबै पक्षलाई आग्रह गर्नुभएको छ । लिबिया, सिरिया र यमनमा देखिएका समस्या समाधानका लागि पनि परराष्ट्रमन्त्रीले त्यहाँका सबै पक्षलाई सहमति जुटाउन आग्रह गर्नुभयो ।

मध्यपूर्वमा लामो समयदेखि इजरायल र प्यालेस्टाइनबीच संघर्ष जारी छ । प्यालेस्टाइन र इजरायलबीचको समस्याको समाधान ‘दुई राष्ट्रिय अस्तित्व’ मार्फत नै हुनुपर्ने नेपालको लामो समयदेखिको मान्यता रहेको परराष्ट्रमन्त्री खड्काले बताउनुभयो ।

प्रकाशित मिति: मंगलबार, असोज १२, २०७८ १०:१२

प्रतिक्रिया दिनुहोस्