नेपाल कागजकर्मी लुम्बिनी प्रदेश व्युरो प्रमुख सन्दिप योगी र पशु अधिकारकर्मी प्रकाश मल्ल सम्मानित

देश

Home
देश
नेपाल कागजकर्मी लुम्बिनी प्रदेश व्युरो प्रमुख सन्दिप योगी र पशु अधिकारकर्मी प्रकाश मल्ल सम्मानित

नेपाल कागजकर्मी लुम्बिनी प्रदेश व्युरो प्रमुख सन्दिप योगी र पशु अधिकारकर्मी प्रकाश मल्ल सम्मानित

शरद रिजाल, काठमाडौँ व्युरो । नेपाल कागज डट कमका लुम्बिनी प्रदेश व्युरो प्रमुख तथा सह-सम्पादक सन्दिप योगी र पशु अधिकारकर्मी तथा समाजसेवी प्रकाश मल्ल सम्मानित हुनुभएको छ । काठमाडौँमा भएको एक कार्यक्रममा उहाँहरु सम्मानित हुनुभएको हो ।

जातीय छुवाछूत र पशु हत्याको विरुद्धमा काम गर्ने हिन्दु जागरण नेपालले पत्रकार योगी तथा अधिकारकर्मी मल्ललाई सम्मान गरेको हो । हिन्दु जागरण नेपालका अध्यक्ष पं रामकृष्ण उपाध्यायले सम्मान गर्दै भन्नुभयो, "पत्रकार योगीले स्वार्थ सिद्धी पश्चात छाडा छोडिएका घरायसी जनावरले दुख नपाउन तथा विशेषत: छाडा छोडिएका जनावरहरूको पनि बाँच्न पाउने अधिकार हुनुपर्दछ भन्ने भावनाका साथ निरन्तर कलम चलाउँदै आउनुभएका जिल्ला बर्दियाको गुलरिया निवासी आदरणीय जिवजगत प्रेमी पत्रकार श्री सन्दिप योगी ज्युलाई हार्दिक धन्यवाद ज्ञापन गर्दै यहाँको लेखनीको निरन्तरता सशक्त बन्दै जावस भन्दै हार्दिक सम्मान व्यक्त गर्दछु ।"

त्यस्तै उहाँले पशुअधिकारको क्षेत्रमा अनवरत रुपमा काम गर्दै सोल्टिज होप नामक संस्थामा त्यस्ता किसिमले दुख पाएका, गाडीले हानेका लगायत मानिसले स्वार्थ पुर्ती भैसकेपछी छोडिएका अबोध जिवजन्तुको रेस्क्यु गरि सयौँ जनावरलाई आफैले छहारी दिनुभएकोले उहाँ अधिकारकर्मी प्रकाश मल्ल ज्युलाई सम्मान गरेको बताउनुभयो ।
पशुअधिकारकर्मी मल्ल निरन्तर अनवरत रुपमा पशु अधिकारको क्षेत्रमा काम गरिरहनुभएको छ ।

प्रकाशित मिति: बिहीबार, मंसिर २१, २०८० १९:२७