गणतन्त्र दिवसको उपलक्ष्यमा रेशम चौधरीकाे कैद माफी

राजनीति

Home
राजनीति
गणतन्त्र दिवसको उपलक्ष्यमा रेशम चौधरीकाे कैद माफी

गणतन्त्र दिवसको उपलक्ष्यमा रेशम चौधरीकाे कैद माफी

काठमाडौँ । गणतन्त्र दिवसको उपलक्ष्यमा टीकापुर घटनामा जन्मकैदको सजाय पाएका रेशम चौधरीसहितका कैदीले आममाफी पाएका छन् ।

जेठ १२ र १४ गते बसेको मन्त्रिपरिषद् बैठककाे सिफारिसमा राष्ट्रपति रामचन्द्र पौडेलले १९ कैदीलाई आममाफी दिनुभएको हो ।

संविधानको धारा २७६ र मुलुकी फौजदारी कार्यविधि संहिता, २०७४ को दफा १५९ बमोजिम उनीहरूलाई आममाफी भएको राष्ट्रपति कार्यालयद्वारा जारी विज्ञप्तिमा उल्लेख छ ।

त्यसैगरी, जेठ १२ गतेको मन्त्रिपरिषद् बैठकले सिफारिस गरेका जेष्ठ नागरिकसहित ४८२ कैदीले पनि भुक्तान गर्न बाँकी कैद माफी पाएका छन् ।

उनीहरुले संविधानको धारा २७६, फौजदारी कसूर (सजाय निर्धारण तथा कार्यान्वयन) ऐन, २०७४ को दफा ३७ तथा ज्येष्ठ नागरिक ऐन, २०६३ को दफा १२ बमोजिम माफी पाएका हुन् ।

प्रकाशित मिति: आइतबार, जेठ १४, २०८० २०:०२

प्रतिक्रिया दिनुहोस्