बिद्यालय स्तरका खेलहरुबाट नै राष्ट्रिय खेलाडी उत्पादन हुन्छ : प्रदेश सभा सदस्य हमाल

देश

Home
देश
बिद्यालय स्तरका खेलहरुबाट नै राष्ट्रिय खेलाडी उत्पादन हुन्छ : प्रदेश सभा सदस्य हमाल

बिद्यालय स्तरका खेलहरुबाट नै राष्ट्रिय खेलाडी उत्पादन हुन्छ : प्रदेश सभा सदस्य हमाल १२ औं जिल्ला स्तरीय राष्ट्रपति रनिङ्ग शिल्ड प्रतियोगिता शुरु

नेपालकागज शुक्रबार, वैशाख ३, २०७८

नेपालगन्ज ३ वैशाख : नेपालगन्जमा आजदेखि १२ औं जिल्ला स्तरीय राष्ट्रपति रनिङ्ग शिल्ड प्रतियोगिता शुरु भएको छ ।

नेपालगन्जस्थित एमपी स्कुलको खेल मैदानमा सञ्चालन भईरहेको उक्त प्रतियोगिताको बिहीबार प्रदेश सभा सदस्य एवं ओलम्पियन सुरेन्द्र हमालले पानसमा दीप प्रज्वलन गरि उद्घाटन गरे । प्रतियोगिताको उदघाटन गर्दै हमालले बिद्यालय स्तरका खेलहरुबाट नै राष्ट्रिय खेलाडीहरुको उत्पादन हुने बताए ।

उनले खेलकुद क्षेत्र राज्यको प्राथमिकतामा नपरेको उल्लेख गर्दै आफुले प्रदेशसभामा यसबारे आवाज उठाई रहेको जिकिर गरे । त्यस्तै मध्यपश्चिम खेलकुद बिकास समिति नेपालगन्जका पुर्ब अध्यक्ष भीम ओलीले खेलाडीहरुले देशलाई अन्तराष्ट्रिय जगतमा पहिचान दिलाउन सफल भएकोले राज्यले यस क्षेत्रलाई उचित ध्यान दिनुपर्नेमा जोड दिए ।

जिल्ला समन्वय समिति बाँकेका संयोजक अजय कुमार श्रीवास्तवको अध्यक्षतामा सञ्चालन भएको उद्घाटन शत्रमा आयोजक जिल्ला खेलकुद बिकास समिति बाँकेका प्रमुख सन्तोष श्रेष्ठले स्वागत गरेका थिए । प्रतियोगितामा जिल्लाका ४१ वटा बिद्यालयको सहभागिता रहेको छ ।

शनिबारसम्म सञ्चालन हुने प्रतियोगितामा उसु, कराँते, तेक्वान्दो, कपर्दी, भलिबल र एथ्लेटिक्स खेल समावेश छन् । यस प्रतियोगिताबाट छनोट भएका खेलाडीहरुले आगामी बैशाख १० गतेदेखि दाङमा सञ्चालन हुने प्रदेश स्तरीय राष्ट्रपति रनिङ्ग शिल्ड प्रतियोगितामा सहभागिता जनाउने आयोजकले जानकारी दिएको छ ।

प्रकाशित मिति: शुक्रबार, वैशाख ३, २०७८ १४:३०

प्रतिक्रिया दिनुहोस्