राजपुर गाउपालिकाको बसन्तापुरमा ७४ घरधुरीलाई ग्यास सिलिन्डर सहित चुल्हो वितरण

पालिका

Home
पालिका
राजपुर गाउपालिकाको बसन्तापुरमा ७४ घरधुरीलाई ग्यास सिलिन्डर सहित चुल्हो वितरण

राजपुर गाउपालिकाको बसन्तापुरमा ७४ घरधुरीलाई ग्यास सिलिन्डर सहित चुल्हो वितरण

दाङ । राजपुर गाउपालिका वडा नम्बर ३ बसन्तापुरमा ७४ घरधुरीलाई ग्यास सिलिन्डर सहित चुल्हो बितरण गरिएको छ । ग्यास सिलिन्डर तथा चुल्हो बितरण कार्यक्रमका प्रमुख अतिथि गाउपालिका अध्यक्ष लोक राज केसीले ग्यास चुल्हो बितरण गर्दा एकातर्फ बन जोगिने र अर्को तर्फ गृहिणिहरुलाई धेरै नै सहज हुने बताउनुभयो ।

महिलाहरुलाई गुईठो दाउरा आदिले खाना बनाउदा असहज हुने समय पनि धेरै खर्चिने भएकोले महिलाहरु अन्य कामका लागि पनि समय निकाल्न नसक्ने प्रवृत्तिको अन्त्य भएको केसिको भनाइ छ । "धुवाँले गर्दा महिलाहरुलाई धेरै प्रकारको स्वास्थ सम्बन्धि समस्या स्वासप्रस्वास सम्बन्धि रोग लाग्ने गरेकोले सिलिन्डर र ग्यास चुल्हो बितरणले त्यस्ता समस्याको अन्त्य भयो "- केसिले भन्नुभयो ।

सोही अबसरमा विशिष्ट अतिथि गाउँपालिकाको उपाध्यक्ष धनपति यादबले महिला लक्षित कार्यक्रममा पालिकाले ध्यान दिएको बताउदै महिलालाई अझ ससक्त बनाउन जनचेतना मुलक कार्यक्रम ल्याउने बताउनुभयो । कार्यक्रमका अतिथि रहेका वडा नम्बर ३ का वडाध्यक्ष राम छोरे यादबले वडाका जनताको चाहना अनुरुप यो कार्यक्रम ल्याएको र जन चाहना अनुसारको नै योजना ल्याउनेमा आफ्नो पहिलो प्राथमिकता रहने बताउनुभयो ।

वडा बाट प्रदान गरिएको सिलिन्डर ग्यास र चुल्हो बुझ्दै बसन्तापुर निवासी सान्ती बिकले महिला लाई घरायसीकाममा सजिलो भएको भन्दै खुसी व्यक्त गर्नुभयो ।

खरिद तथा बितरण उपभोक्ता समितिका अध्यक्ष बिन्तिराम यादबको अध्यक्षता बाट सुरुभएको कार्यक्रमको सहजिकरण वडा नम्बर ३ का वडा सचिब जमुना चौधरीले गर्नुभएको थियो ।

राजपुर गाउपालिका लाई धुवा मुक्त अभियानका लागि गत बर्ष वडा नम्बर ५ का सम्पुर्ण घरधुरीलाई ग्यास सहित चुल्हो बितरण गरिएको थियो ।

प्रकाशित मिति: बुधबार, असार १६, २०७८ १०:२०

प्रतिक्रिया दिनुहोस्