जर्मनीले चार अर्ब ८० करोड अनुदान दिने, अनुदान सहायतासम्बन्धी समझदारीपत्रमा हस्ताक्षर

देश

Home
देश
जर्मनीले चार अर्ब ८० करोड अनुदान दिने, अनुदान सहायतासम्बन्धी समझदारीपत्रमा हस्ताक्षर

जर्मनीले चार अर्ब ८० करोड अनुदान दिने, अनुदान सहायतासम्बन्धी समझदारीपत्रमा हस्ताक्षर

काठमाडौँ । सङ्घीय गणतन्त्र जर्मनीले नेपाल सरकारलाई वित्तीय तथा प्राविधिक सहयोगस्वरुप रु चार अर्ब ८० करोडभन्दा बढी अनुदान प्रदान गर्ने प्रतिबद्धता व्यक्त गरेको छ ।

नेपाल र जर्मनीबीच जारी द्विपक्षीय सहयोगअन्तर्गत आगामी सन् २०२३ सम्म प्राविधिक सहयोग तथा सन् २०२५ सम्म वित्तीय सहायतालाई निरन्तरता दिन जर्मन सरकारले अनुदानस्वरुप उक्त रकम उपलब्ध गराउने प्रतिबद्धता व्यक्त गरेको हो ।

नेपालका लागि जर्मनीका राजदूत रोल्यान्ड सेफेर र अर्थ मन्त्रालयका सहसचिव श्रीकृष्ण नेपालले आज अनुदान सहायतासम्बन्धी समझदारीपत्रमा हस्ताक्षर गर्नुभएको यहाँस्थित जर्मनीको राजदूतावासले जनाएको छ ।

नेपालका मध्य तथा सुदूरपश्चिमाञ्चल क्षेत्रमा ऊर्जा तथा नवीकरणीय ऊर्जा, दिगो आर्थिक विकास र स्वास्थ्य क्षेत्रका लागि उक्त रकम प्रदान गरिने दूतावासले जनाएको छ ।

प्रकाशित मिति: सोमबार, जेठ ३१, २०७८ १६:११

प्रतिक्रिया दिनुहोस्