बर्दिया ठाकुरबाबाका मेयर उम्मेदवार श्रेष्ठलाई थप उपचारका लागि काठमाडौँ पठाइयो

पालिका

Home
पालिका
बर्दिया ठाकुरबाबाका मेयर उम्मेदवार श्रेष्ठलाई थप उपचारका लागि काठमाडौँ पठाइयो

बर्दिया ठाकुरबाबाका मेयर उम्मेदवार श्रेष्ठलाई थप उपचारका लागि काठमाडौँ पठाइयो

तस्वीर - सामाजिक सन्जाल

बर्दिया । दुर्घटनामा परी घाइते हुनुभएका पुर्व मेयर तथा ठाकुरबाबा नगरपालिकाका मेयर उम्मेदवार घन नारायण श्रेष्ठलाई थप उपचारका लागि काठमाडौँ पठाइएको छ । बिहीबार, वैशाख २२, २०७९ गते आज करिब १२:४० बजेको समयमा श्रेष्ठ दुर्घटनामा पर्नुभएको थियो ।

जिल्ला प्रहरी कार्यालय बर्दियाले दिएको जानकारी अनुसार ठाकुरबाबा नगरपालिका -०७ सुन्दरपुरमा श्रेष्ठ सडक दुर्घटनामा पर्नुभएको हो ।

जिल्ला प्रहरी कार्यालय बर्दियाका अनुसार ठाकुरबाबा नगरपालिका -०७ बस्ने ज्ञानेन्द्र बहादुर खड्काले चलाएको भे.१२.प.४५६९ नम्बरको मोटरसाइकल र नेकपा एमालेको तर्फबाट ठाकुरबाबा नगरपालिकाको नगरप्रमुख (मेयर)को उम्मेदवार श्रेष्ठले चलाएको भे.६.प.५५९८ नम्बरको मोटरसाइकल एकआपसमा ठक्कर खाँदा दुर्घटना भएको सूचना प्रहरीलाई प्राप्त भएको थियो ।

यो पनि

बर्दियाको ठाकुरबाबा नगरपालिकाको मेयरका उम्मेदवारहरू घरदैलोमा जनतासँग

अस्थाई प्रहरी पोष्ट बकुवाबाट गएको प्रहरी टोलीले घाइते श्रेष्ठको तत्काल उद्धार गरेको थियो । उहाँलाई नेपालगन्ज मेडिकल कलेज कोहलपुर लगिएको थियो भने थप उपचारको लागि काठमाडौँ पठाइएको छ ।

भे.१२.प.४५६९ नम्बरको मोटरसाइकल चालक खड्कालाई नियन्त्रणमा लिएर अनुसन्धान अघि बढाएको जिल्ला प्रहरी कार्यालय बर्दियाका प्रवक्ता प्रकाश सापकोटाले जानकारी दिनुभयो ।

प्रकाशित मिति: बिहीबार, वैशाख २२, २०७९ २०:१३