प्रतिनिधिसभा विघटनसँग सम्बन्धित १९ वटा रिटलाई संवैधानिक इजलासमा पठाउन आदेश

देश

Home
देश
प्रतिनिधिसभा विघटनसँग सम्बन्धित १९ वटा रिटलाई संवैधानिक इजलासमा पठाउन आदेश

प्रतिनिधिसभा विघटनसँग सम्बन्धित १९ वटा रिटलाई संवैधानिक इजलासमा पठाउन आदेश

फाइल तस्बिर

काठमाडौँ । प्रधानन्यायाधीश चोलेन्द्र शमशेर राणाको एकल इजलासले प्रतिनिधिसभा विघटनसँग सम्बन्धित १९ वटा रिटलाई संवैधानिक इजलासमा पठाउने आदेश गरेको छ ।

बिहीबार इजलासमा भएको सुनुवाइपछि सबै रिटलाई शुक्रबार बस्ने संवैधानिक इजलासमा पठाउने निर्णय प्रधानन्यायाधीश राणाले गर्नुभएको हो ।

आजको बहसमा रिट निवेदकको तर्फबाट अधिवक्ता दिनेश त्रिपाठी, लोकेन्द्र ओली, सुनील कुमार पटेल, बद्री भट्ट, अजय बुढाथोकी, तुलसी पराजुली, वीरभद्र जोशी लगायतले बहस गर्नुभएको थियो ।

बहसमा केही अधिवक्ताहरुले बजेट रोक्न अन्तरिम आदेश दिन माग गर्नुभएको थियो भने राणाले उक्त बिषयलाईपनी संवैधानिक इजलासले हेर्ने बताउनभएको थियो ।

सर्वोच्च अदालतमा प्रतिनिधिसभा पुनःस्थापना गर्नुपर्ने भन्दै २६ र केपी शर्मा ओलीलाई नै प्रधानमन्त्रीमा निरन्तरता दिनुपर्ने भन्दै चार गरी ३० रिट निवेदन दर्ता भएका छन् । संवैधानिक इजलासको माग नभएका आज सुनुवाइ भएका १९ सहित ती सबै रिटको अब संवैधानिक इजलासले नै छिनोफानो गर्नेछ ।

प्रकाशित मिति: बिहीबार, जेठ १३, २०७८ १५:२८

प्रतिक्रिया दिनुहोस्