सोधपुछका लागि सर्वोच्चले सम्पादक बोलाएकोप्रति पत्रकार महासंघको गम्भीर ध्यानाकर्षण

देश

Home
देश
सोधपुछका लागि सर्वोच्चले सम्पादक बोलाएकोप्रति पत्रकार महासंघको गम्भीर ध्यानाकर्षण

सोधपुछका लागि सर्वोच्चले सम्पादक बोलाएकोप्रति पत्रकार महासंघको गम्भीर ध्यानाकर्षण

सोधपुछका लागि सर्वोच्चले सम्पादक बोलाएकोप्रति पत्रकार महासंघको गम्भीर ध्यानाकर्षण

काठमाडौं । सर्वोच्च अदालतबाट समाचारको विषयलाई लिएर सोधपुछका लागि भन्दै सम्पादकहरुलाई बोलाएकोमा नेपाल पत्रकार महासंघले गम्भीर ध्यानाकर्षण भएको बताएको छ ।

समाचारको विषयलाई लिएर ‘इमेज खबर डटकम’ का सम्पादक राजन कुइँकेल र ‘नेपाल समय डटकम’ का प्रधान सम्पादक नारायण अमृतलाई सर्वोच्च अदालतबाट सोधपुछका लागि भन्दै बोलाएको घटनाप्रति नेपाल पत्रकार महासंघले गम्भीर ध्यानाकर्षण भएको जनाएको छ ।

नेपाल पत्रकार महासंघका महासचिव रोशन पुरीले विज्ञप्ति जारी गर्दै सम्पादकलाई अदालतले सोधपुछका लागि बोलाएकोप्रति महासंघको गम्भीर ध्यानाकर्षण भएको बताउनुभएको छ ।

विज्ञप्तिमा भनिएको छ, "प्रकाशितप्रसारित समाचारको विषयमा चित्त नबुझे या गुनासो रहे त्यसउपर कानुनी उपचार खोज्ने वैधानिक विधि र स्थापित पद्धति छ । त्यसलाई बेवास्ता गर्दै मुलुकको न्यायपालिकाको सर्वोच्च संस्था सर्वोच्च अदालतबाट पत्रकारलाई बोलाएर सोधपुछ गरिनु प्रेस स्वतन्त्रता विरोधी कार्य हो । महासंघ संविधानले सुनिश्चित गरेको प्रेसको अधिकारको सम्मान गर्न सम्बन्धित निकायसँग आग्रह गर्दछ ।"

हेर्नुहोस् महासंघले जारी गरेको विज्ञप्ति