बाँकेमा १३ घण्टामा कोरोना संक्रमणका कारण थप ८ जनाको मृत्यु

देश

Home
देश
बाँकेमा १३ घण्टामा कोरोना संक्रमणका कारण थप ८ जनाको मृत्यु

बाँकेमा १३ घण्टामा कोरोना संक्रमणका कारण थप ८ जनाको मृत्यु

फाइल तस्बिर

बाँकेमा १३ घण्टामा कोरोना संक्रमणका कारण थप ८ जनाको मृत्यु

नेपालगन्ज । बाँकेमा १३ घण्टामा कोरोना संक्रमणका कारण थप ८ जनाको मृत्यु भएको छ । दुई वटा अस्पतालमा उनीहरूको मृत्यु भएको हो । नेपालगन्ज मेडिकल कलेज कोहलपुरमा ४ जना र भेरी अस्पतालमा ४ जनाको मृत्यु भएको छ । मृतक मध्ये बाँकेका ३ जना छन् । त्यस्तै दाङका २ जना तथा बर्दिया, कैलाली र कंचनपुरका १/१ जनाको मृत्यु भएको छ ।

भेरी अस्पतालमा उपचाररत कोहलपुर १० की ४४ वर्षीया महिला, तुलसीपुर १० दाङका ५२ वर्षीय पुरुष, नेपालगन्ज ६ का ५० वर्षीय पुरुष र मधुवन ७ बर्दियाका ५७ वर्षीय पुरुषको कोरोनाबाट मृत्यु भएको जिल्ला कोभिड-१९ संकट व्यवस्थापन केन्द्र बाँकेका फोकल पर्सन तेज वलीले बताउनुभयो ।

त्यस्तै नेपालगन्ज मेडिकल कलेज कोहलपुरमा उपचाररत कोहलपुर ६ बाँकेकी ५२ वर्षीया महिला, भिमदत्त २ कंचनपुरका ५४ वर्षीय पुरुष, जोशीपुर १ कैलालीका ५० वर्षीय पुरुष र लमही २ दाङकी ६८ वर्षीया महिलाको मृत्यु भएको छ ।

यो संगै कोरोनाबाट बाँकेका २७२ जनाको मृत्यु भएको छ भने बाहिरी जिल्लाका २२७ जनाको मृत्यु भएको छ ।

प्रकाशित मिति: शनिबार, जेठ ८, २०७८ ०९:५२