संक्रमितको अवस्था बुझ्न दिनहुँ आइसोलेसन पुग्दै उपमेयर उमा, प्रशंसा गर्दै निस्कन्छन् डिष्चार्ज हुनेहरु

पालिका

Home
पालिका
संक्रमितको अवस्था बुझ्न दिनहुँ आइसोलेसन पुग्दै उपमेयर उमा, प्रशंसा गर्दै निस्कन्छन् डिष्चार्ज हुनेहरु

संक्रमितको अवस्था बुझ्न दिनहुँ आइसोलेसन पुग्दै उपमेयर उमा, प्रशंसा गर्दै निस्कन्छन् डिष्चार्ज हुनेहरु

नेपालगन्ज । नेपालगन्ज उपमहानगरपालिकाले संचालन गरेका आइसोलेसनमा उपमेयर उमा थापा मगर दिनहुँ पुग्नुहुन्छ । त्यहाँ पुगेर विरामीको अवस्था बुझ्ने उपमेयर थापा मगरलाई देखेपछि संक्रमितहरु खुसी हुन्छन् । वडा नम्बर १० का युवराज शाह कोभिड संक्रमण भएपछि सुरुमा भेरी अस्पताल हुँदै उपमहानगरपालिकाले सञ्चालन गरेको रामलिला मैदानस्थित आइसोलेसनमा बस्नुभयो ।

बिहिवार कोभिड निको भई घर फिर्ता हुने क्रममा शाहले कोभिड रोकथाम र नियन्त्रणका लागि नेपालगन्जले गरेको प्रयासको प्रशंसा गर्नुभयो । नेपालगन्जले निःशुल्क पिसिआर परिक्षण र एन्टिजिन परिक्षण, नि:शुल्क एम्बुलेन्स सेवा, आइसोलेसनमा बस्नेहरुको लागि खाना र नास्ताको व्यवस्था गर्दै आएको भन्दै उहाँले आइसोलेसन बसाईं एकदमै राम्रो भएको बताउनुभयो । आइसोलेसनको सम्पूर्ण सेवा र अन्य व्यवस्थापन राम्रो भएको उहाँको भनाई छ । रामलिला मैदानस्थित आइसोलेसनमा चिकित्सकसँगै स्वास्थ्यकर्मीले नियमित रेखदेख गर्दै आउनुभएको छ ।

'आइसोलेसनमा गरिएको सम्पूर्ण व्यवस्थापन एकदमै राम्रो छ, डिष्चार्ज हुने क्रममा शाहले भन्नुभयो–'नगरबासीका लागि उपमहानगरले गरेको प्रयास आफैंमा सह्रानीय छ ।' नेपालगन्ज उपमहानगरपालिकाका उपप्रमुख उमा थापा मगरले कोभिड रोकथाम र नियन्त्रणका लागि सुरुवातदेखि नै नेपालगन्जले आवश्यक तयारी सहित लागिपरेको बताउनुभयो ।

आइसोलेसनमा नगर प्रमुख डा. धवलशम्शेर राणा, उपप्रमुख मगर सहित दैनिकजसो पुगेर विरामीको अवस्थाबारे जानकारी लिने तथा स्वास्थ्यकर्मीसँग आवश्यक छलफल गर्ने गर्नुभएको छ । नेपालगन्जले रामलिला मैदान र ह्वाइटहाउसमा आइसोलेसन केन्द्र सञ्चालन गर्दै आएको छ । नगरको वडा नम्बर ४ र वडा नम्बर १२ मा पनि आइसोलेसन केन्द्र सञ्चालनमा छ ।

प्रकाशित मिति: बिहीबार, जेठ ६, २०७८ १८:०८