घोराहीमा प्रशिक्षक प्रशिक्षण तालिम सुरु

शिक्षा

Home
शिक्षा
घोराहीमा प्रशिक्षक प्रशिक्षण तालिम सुरु

घोराहीमा प्रशिक्षक प्रशिक्षण तालिम सुरु

घोराही : घोराही उपमहानगरपालिका वडा नं १४ बसपार्कमा रहेको सुनछहरी प्राविधिक शिक्षालयमा १० दिने प्रशिक्षक प्रशिक्षण तालिम सुरु भएको छ ।

उद्यम विकास सहजकर्ता अन्तर्गत अध्ययनरत विद्यार्थीहरुले लिने उक्त तालिम आज आइतबारदेखि सुरु भएको हो। उद्घाटन
कार्यक्रममा सुनछहरी प्राविधिक शिक्षालयका अध्यक्ष दामोदर न्यौपानेको अध्यक्षता तथा घोराही उपमहानगरपालिका वडा नं १४ का वडा अध्यक्ष शक्तिराम डाँगीको प्रमुख आतिथ्यता रहेको थियो ।

कार्यक्रममा बोल्दै प्रमुख अतिथि शक्तिराम डाँगीले सैद्धान्तिक र व्यावहारिक सिपले नै आत्मनिर्भर गराउने बताउनुभयो । उहाँले आफुले सिकेको सिपलाई व्यावहारिक गर्नसके असल सहजकर्ता र असल प्रशिक्षक बन्न सकिने बताउनुभयो ।

कार्यक्रममा सहिद कृष्णक्षण ईच्छुक बहु प्राविधिक शिक्षालयका प्रतिनिधि सर्जन गौतम, नेपाल पत्रकार महासंघ दाङका उपाध्यक्ष सन्तोस सुवेदी, प्रमुख प्रशिक्षक विजय जि.सी लगायतको आतिथ्यता रहेको थियो । कार्यक्रममा बोल्नेहरुले उद्यमशिलता बन्नमा जोड दिएका थिए । साथै पढाई सँगै सिपलाई व्यावहारिक बनाउन सके जीवनलाई सहज बनाउन उत्प्रेरणा मिल्ने बताएका थिए ।

दश दिने प्रशिक्षक प्रशिक्षण तालिम कार्तिक १६ गते सम्म सन्चालन हुँनेछ । कार्यक्रममा ४० भन्दा बढी विद्यार्थीहरुको सहभागिता रहेको थियो । शोभाराम डाँगीकोको स्वागत मन्तव्यबाट सुरु भएको कार्यक्रमको सहजीकरण चन्द्र बहादुर बुढा मगरले गर्नुभएको थियो ।

प्रकाशित मिति: आइतबार, कात्तिक ७, २०७८ १८:०१

प्रतिक्रिया दिनुहोस्