उपत्यकामा थप दुई साता निषेधाज्ञा, होटेल रेस्टुरेन्ट र पार्टी प्यालेसमा हुने विवाह, व्रतबन्धमा रोक

देश

Home
देश
उपत्यकामा थप दुई साता निषेधाज्ञा, होटेल रेस्टुरेन्ट र पार्टी प्यालेसमा हुने विवाह, व्रतबन्धमा रोक

उपत्यकामा थप दुई साता निषेधाज्ञा, होटेल रेस्टुरेन्ट र पार्टी प्यालेसमा हुने विवाह, व्रतबन्धमा रोक

उपत्यकामा थप दुई साता निषेधाज्ञा, होटेल रेस्टुरेन्ट र पार्टी प्यालेसमा हुने विवाह, व्रतबन्धमा रोक
काठमाडौँ । काठमाडौं उपत्यकाका तीनै जिल्लाका प्रजिअहरुको बैठकले थप दुई साता निषेधाज्ञा लम्ब्याउने निर्णय गरेको छ । मंगलबार बसेको बैठकले काठमाडौं उपत्यकामा जेठ १३ गतेसम्म निषेधाज्ञा थप गरेको छ ।

वैशाख १६ गतेदेखि जारी निषेधाज्ञालाई थप कडा बनाउँदै दुई साता थप गरिएको हो । महामारीको चेन ब्रेक गर्नलाई निषेधाज्ञाको समय दुई साता थप गरिएको बताइएको छ । साथै अत्यावश्यक कामबिना बाहिर ननिस्कन र जनस्वास्थ्यका मापदण्ड पालना गर्न सबैलाई तीनवटै जिल्ला प्रशासनले आग्रह गरेको छ । यस्तै तीनवटै जिल्ला प्रशासनले अत्यावश्यक सेवा पनि सीमित कर्मचारीबाटै प्रवाह गर्न निर्देशन दिइएको छ । त्यस्तै राष्ट्रिय गौरव र राष्ट्रिय प्राथमिकताका परेमा आयोजनाबाहेकका सबै निर्माण कार्यमा पनि रोक लगाइएको छ ।

त्यस्तै होटेल रेस्टुरेन्ट र पार्टी प्यालेसमा हुने विवाह, व्रतबन्धलगायतका भोजभतेरमा पनि रोक लगाइएको छ । घरमा भने १० जनासम्म भेला हुने गरी यस्ता कार्य गर्न दिइने छ ।

दैनिक उपभोग्य बस्तुको किनमेलको समय बिहान ९ बजेसम्म तोकिएकोमा त्यसलाई बढाएर १० बजे पुर्‍याइएको छ । त्यस्तै कालीमाटीलगायतका तरकारी तथा फलपलू बिक्री केन्द्रबाट खुद्रा बिक्रीमा रोक लगाइएको छ । ती बजारबाट थोक बिक्री मात्रै गर्न पनि आदेश जारी गरिएको छ ।

प्रकाशित मिति: मंगलबार, वैशाख २८, २०७८ १६:२६

प्रतिक्रिया दिनुहोस्