नेपालगन्जबाट तुलसीपुर ल्याउदै गरेको अवस्थामा ९ ग्राम ब्राउनसुगर सहित तीन जना पक्राउ

अपराध

Home
अपराध
नेपालगन्जबाट तुलसीपुर ल्याउदै गरेको अवस्थामा ९ ग्राम ब्राउनसुगर सहित तीन जना पक्राउ

नेपालगन्जबाट तुलसीपुर ल्याउदै गरेको अवस्थामा ९ ग्राम ब्राउनसुगर सहित तीन जना पक्राउ

दाङ । दाङमा ९ ग्राम ब्राउनसुगर सहित तीन जना पक्राउ परेका छन् । जिल्ला प्रहरी कार्यालय दाङका प्रहरी नायब उपरीक्षक मुकुन्द रिजालका अनुसार १/१ घण्टाको फरकमा उक्त ब्राउनसुगर बरामद गरिएको हो ।

नेपालगन्जबाट तुलसीपुर ल्याउदै गरेको अवस्थामा राप्ती लोकमार्ग अन्तर्गत तुलसीपुर–१३ दमारगाउँ प्रहरी चौकीमा जाँचका क्रममा एक महिला र दुई जना किशोर पक्राउ परेको प्रहरीले जानकारी दिएको छ । तुलसीपुर उपमहानगरपालिका वडा नं. ६ भिईपी टोल निवासी ४५ बर्षीया चामुकुमारी विश्वकर्मालाई ७ ग्राम ब्राउनसुगरसहित पक्राउ गरिएको प्रहरी नायब उपरीक्षक रिजालले जानकारी दिनुभयो ।

नेपालगञ्जबाट तुलसीपुर आउँदै गरेको ना ४ ख ७२९४ नम्बरको यात्रुबहाक बसमा सवार महिलालाई ब्राउनसुगर ओसारपसार गरिरहेको अवस्थामा बुधबार साँझ साढे ७ बजेतिर पक्राउ गरिएको हो । उनले आफुले बोकेको झोलामा राखेर ब्राउनसुगर ओसारपसार गरिरहेको अवस्थामा पक्राउ गरिएको प्रहरी नायब उपरीक्षक रिजालले बताउनुभयो ।

त्यसको एक घण्टा अघि साढे ६ बजेतिर मोटरसाईकलमा सवार दुई किशोरलाई २ ग्राम ब्राउन सुगरसहित पक्राउ गरिएको थियो । तुलसीपुर उपमहानगरपालिका वडा नं. १ पैयाखोरे निवासी १८ बर्षीय प्रेमप्रकाश विकले चलाएको रा ५ प ८५१५ नम्बरको मोटरसाईकलको पछाडी सवार तुलसीपुर ४ निवासी १४ बर्षीय किरण विकले मास्कभित्र ब्राउनसुगर लुकाएको अवस्थामा दुबैजनालाई पक्राउ गरिएको हो । यस विषयमा अनुसन्धान भइरहेको प्रहरीले बताएको छ ।

प्रकाशित मिति: बिहीबार, साउन ७, २०७८ १५:२३

प्रतिक्रिया दिनुहोस्