दुवै मिर्गौला खराब २१ वर्षीया गरिब सविता थारु भन्छिन्, 'मेरो ३ वर्षको छोराको लागी मलाई बचाइ दिनुस्'

समाज

Home
समाज
दुवै मिर्गौला खराब २१ वर्षीया गरिब सविता थारु भन्छिन्, 'मेरो ३ वर्षको छोराको लागी मलाई बचाइ दिनुस्'

दुवै मिर्गौला खराब २१ वर्षीया गरिब सविता थारु भन्छिन्, 'मेरो ३ वर्षको छोराको लागी मलाई बचाइ दिनुस्'

सन्दिप नाथ योगी, हरि गुरुङ । जीवन सङ्घर्षमय छ तर कहिलेकाहीँ जति सङ्घर्ष गरे पनि जीवनले धोका दिए कसको के लाग्छ र । त्यस्तै विपत्ति आइपुगेको छ गरिब परिवारकी २१ वर्षीया सविता थारुलाई । लाउँला खाउँला बच्चालाई ठुलो मान्छे बनाउँला भनेर श्रम गरेर जीवनयापन गर्ने सविता थारुको परिवार आज ऋणको भारीमा छ ।

मधुवन नगरपालिका वडा नम्बर १ बस्ने सविता थारुको दुवै मिर्गौलाले काम गर्न छोडेपछि सहकारीबाट ऋण लिएर उनका श्रीमान् रमेश चौधरीले उपचार त गराए तर पैसा पनि सिद्धियो ऋण मात्र थपियो ।

अहिले उनका श्रीमान् र श्रीमतीले आफ्नो ज्यान बचाइदिन आम जनसमुदायसँग अपिल गरेका छन् । सविताले थारुले भनिन्, 'मेरो ३ वर्षको बच्चाको लागि मलाई बचाइदिनुहोस् ।'

महाकवि लक्ष्मीप्रसाद देवकोटाले भनेका छन्–
"खोज्छन् सबै सुख भनी सुख त्यो कहाँ छ ?
आफू मिटाई अरूलाई दिनु जहाँ छ ।"

तसर्थ ती गरिब परिवारलाई सहयोग गरी हामीलाई जानकारी गराइदिनुहुन अनुरोध छ । सहयोगका लागि सहयोगी मन र हातहरुले
निजकी आमा पहारी थारु A/C NO. 01501501700071701000001 कर्णाली डेभलपमेन्ट बैङ्क लिमिटेड, ठाकुरद्वारा, बर्दिया मा सहयोग गरिदिनुहुन हार्दिक अपिल गर्दछौँ ।

थोपा थोपाले समुन्द्र बन्छ हजुरहरू मनकारीहरूले सहयोग गरेपछि 9843760658 को what's app मा वा भाइवरमा वा [email protected] मा स्क्रिन शट पठाइदिनुहुन अनुरोध गर्दछौँ । हाम्रो फेसबुक आइडी nepal kagaj वा पेज nepalkagaj मा फोटो वा स्क्रिन शट पठाइदिनुहुन अनुरोध गर्दछौँ।मनकारी हातहरूलाई हाम्रो नमन ।

प्रकाशित मिति: बुधबार, मंसिर २०, २०८० १६:३१

प्रतिक्रिया दिनुहोस्