प्रधानमन्त्री ओली र राष्ट्रपति भण्डारी विरुद्ध विपक्षी ५ दलका नेताहरु सोमबार सर्वोच्च जाने

राजनीति

Home
राजनीति
प्रधानमन्त्री ओली र राष्ट्रपति भण्डारी विरुद्ध विपक्षी ५ दलका नेताहरु सोमबार सर्वोच्च जाने

प्रधानमन्त्री ओली र राष्ट्रपति भण्डारी विरुद्ध विपक्षी ५ दलका नेताहरु सोमबार सर्वोच्च जाने

काठमाडौँ । प्रधानमन्त्री केपी शर्मा ओलीको सिफारिसमा राष्ट्रपति विद्यादेवी भण्डारीले प्रतिनिधिसभामा विघटन गरेपछि विरोधमा रहेका विपक्षी गठबन्धनका नेताहरु रिट निबेदन लिएर सोमबार सर्वोच्च अदालत जाने हुनुभएको छ ।

रिट निबेदन लगायतका कागजात मिलाउँदा आज समय नपुगेकाले विपक्षी गठबन्धनका नेताहरुले भोली मात्र सर्वोच्चमा रिट दर्ता गराउने निर्णय गर्नुभएको हो ।

राष्ट्रपति र प्रधानमन्त्रीको कदम असंवैधानिक भएको भन्दै यसकाविरुद्ध राजनीतिक र कानुनी लडाइँ लड्ने विपक्षी ५ दलको निर्णयबमोजिम सांसदहरुको हस्ताक्षर र नागरिकता संकलन गरिएको थियो ।

ती दलका सांसदहरूसहित कांग्रेस सभापति शेरबहादुर देउवा, माओवादी केन्द्रका अध्यक्ष पुष्पकमल दाहाल, नेकपा (एमाले) का वरिष्ठ नेता माधवकुमार नेपाल, जनता समाजवादी पार्टीका अध्यक्ष उपेन्द्र यादव, जनमोर्चाकी सांसद दुर्गा पौडेल लगायत नयाँ बानेश्वरस्थित संघीय संसद् भवनमा आइतबार भेला हुनुभएको थियो ।

मन्त्रिपरिषद्को सिफारिसमा राष्ट्रपति विद्या भण्डारीले शुक्रबार मध्यरातमा संसद् विघटन गर्दै कात्तिक २६ मा पहिलो चरण र मंसिर ३ मा दोस्रो चरणका लागि मध्यावधि निर्वाचनको मिति तोकेपछि विपक्षी ५ दलका नेताहरुले आजै सर्वोच्च अदालतमा रिट दर्ता गर्ने योजना बनाउनुभएको थियो ।

प्रकाशित मिति: आइतबार, जेठ ९, २०७८ १५:५५

प्रतिक्रिया दिनुहोस्