एमाले नेता मोहम्मद सफिक बेहनाले भने– अस्पतालको उपचारलाई चुनावी हल्ला बनाइयो

राजनीति

Home
राजनीति
एमाले नेता मोहम्मद सफिक बेहनाले भने– अस्पतालको उपचारलाई चुनावी हल्ला बनाइयो

एमाले नेता मोहम्मद सफिक बेहनाले भने– अस्पतालको उपचारलाई चुनावी हल्ला बनाइयो

नेपालगन्ज । नेकपा एमाले बाँकेका जिल्ला सदस्य तथा मुस्लिम इत्तिहाद संगठन बाँकेका जिल्ला अध्यक्ष मोहम्मद सफिक बेहनाले पुर्पक्षका लागि थुनामा रहेर उपचारका लागि भेरी अस्पताल उपचाररत पशुपतिदयाल मिश्रलाई लक्षित गर्दै सामाजिक सञ्जाल र केही सञ्चारमाध्यममा फैलाइएका चुनावी हल्लाप्रति कडा आपत्ति जनाएका छन्।

स्वास्थ्य समस्याका कारण नेपालगन्ज कारागारबाट अस्पतालमा उपचाररत मिश्रको अवस्थालाई तोडमोड गरी आगामी फागुन २१ गते हुने निर्वाचनसँग जोडेर नियोजित रूपमा अफवाह फैलाइएको बेहनाको भनाइ छ। अस्पतालको क्याबिनभित्रबाटै चुनावी रणनीति बनाइरहेको भन्ने प्रचार पूर्ण रूपमा निराधार र भ्रामक रहेको उनले बताएका छन्।

नेपाल कागज डटकमसँगको कुराकानीमा जिल्ला सदस्य बेहनाले यस्ता समाचारहरूको विश्वसनीयतामाथि गम्भीर प्रश्न उठाएका छन्। उनले निर्वाचन आचारसंहिता र पत्रकारिताको मूल्यमान्यताको उल्लंघन गर्दै प्रमाणविहीन आरोप लगाइएको भन्दै आपत्ति जनाए।

यदि साँच्चिकै अस्पतालको क्याबिनभित्र राजनीतिक गतिविधि भएको हो भने त्यसको स्पष्ट प्रमाण सार्वजनिक गर्नुपर्ने भन्दै उनले प्रश्न गरे -“क्याबिनभित्रबाट आवाज आएको भनिन्छ भने त्यहाँ पसेर फोटो वा भिडियो किन सार्वजनिक गरिएन?”

अस्पतालमा उपचाररत एक बिरामीलाई चुनावी गतिविधिसँग जोडेर प्रचार गर्नु अमानवीय, गैरजिम्मेवार र हास्यास्पद भएको उल्लेख गर्दै बेहनाले सामाजिक सञ्जालमा यस्ता दाबीहरूको व्यापक आलोचना र व्यंग्य भइरहेको बताए।

यसप्रति दुःख व्यक्त गर्दै उनले भने-“मिश्रको उमेर र स्वास्थ्य अवस्थालाई बेवास्ता गर्दै गाउँघरबाट आएका आफन्त र शुभेच्छुकको सामान्य भेटघाटलाई समेत चुनावी रणनीतिसँग जोड्नु मानवीय संवेदनाविपरीत छ।”

प्रकाशित मिति: शुक्रबार, माघ २४, २०८२ १०:२०

प्रतिक्रिया दिनुहोस्