बाँके-२ मा एमालेको टिकट जसपाका राईलाई, एमाले नेता-कार्यकर्ता नै असन्तुष्ट

राजनीति

Home
राजनीति
बाँके-२ मा एमालेको टिकट जसपाका राईलाई, एमाले नेता-कार्यकर्ता नै असन्तुष्ट

बाँके-२ मा एमालेको टिकट जसपाका राईलाई, एमाले नेता-कार्यकर्ता नै असन्तुष्ट

नेपालगन्ज । नेकपा एमालेले मो. इस्तियाक राईलाई बाँके क्षेत्र नम्बर २ को उम्मेदवार बनाएको छ ।

उपेन्द्र यादव नेतृत्वको जसपा नेपालबाट छुट्टिएर अशोक राई नेतृत्वको जसपाका महासचिव रहेका राई सूर्य चुनाव चिन्ह लिएर एमालेको टिकटमा चुनाव लड्न थालेपछि जिल्लाका एमाले कार्यकर्ता असन्तुष्ट बनेका छन् ।

पार्टी प्रवेश नै नगरी उनलाई टिकट दिइएको भन्दै नेता-कार्यकर्ताले सामाजिक संजालमा असन्तुष्टि पोखिरहेका छन् । बाँके २ बाट एमालेले जिल्ला अध्यक्ष निरक गुरुङ, कृष्ण प्रसाद श्रेष्ठ र अछरी पोखरेललाई सिफारिस गरेको थियो ।

राई २०७९ को प्रतिनिधिसभा निर्वाचनमा यही क्षेत्रबाट उम्मेदवार थिए । जसपा नेपालबाट उम्मेदवार बनेका उनी राप्रपाका डा.धवल शमशेर राणासंग पराजित भएका थिए । उनी २०६४ मा तत्कालीन क्षेत्र नम्बर २ र २०७४ मा यही क्षेत्रबाट निर्वाचित भई पटक-पटक मन्त्री भएका थिए ।

प्रकाशित मिति: सोमबार, माघ ६, २०८२ ०९:५५

प्रतिक्रिया दिनुहोस्