नेपालगन्जको बस दाङको राप्ती पुलबाट नदीमा खस्दा १२ जनाको मृत्यु, चालकलाई छुटाउन चलखेल सुरु

राजनीति

Home
राजनीति
नेपालगन्जको बस दाङको राप्ती पुलबाट नदीमा खस्दा १२ जनाको मृत्यु, चालकलाई छुटाउन चलखेल सुरु

नेपालगन्जको बस दाङको राप्ती पुलबाट नदीमा खस्दा १२ जनाको मृत्यु, चालकलाई छुटाउन चलखेल सुरु

दाङ । दाङको भालुबाङमा पुलबाट यात्रुवाहक बस राप्ती नदीमा खस्दा १२ जनाको मृत्यु भएको छ । मृतकहरूको सनाखत हुन सकेको छैन । कति सम्म भने मृत यात्रुको शव निकाल्न जेसीबीको प्रयोग गरिएको छ । यस्तो भयानक दुर्घटना कसरी भयो भन्ने विषयमा अनुसन्धान भैरहेको दाङ प्रहरीले जानकारी दिएको छ ।

यस घटनामा चालकको गम्भीर लापरबाही देखिएको छ भने मादक पदार्थ सेवन गरेर सवारीसाधन चलाउँदा आफ्नो देब्रे साइडको पुलको सडकबाट चल्नुपर्ने गाडी दायाँ साइडमा गएर पुलको रेलिङ्गमा ठोकिएर राप्ती नदीमा खसेको छ । यात्रुहरूले मृत्यु वरण गरे भने चालक सुरक्षीत छन् । नियन्त्रणमा लिइएका चालकको मापसे जाँच किन गरिएन भन्ने प्रश्न पनि उठेको छ । बस समितिको सेटिङ्गमा चालकलाई उन्मुक्ति दिन चलखेल सुरु भएको स्रोतको दाबी छ ।

पूर्व पश्चिम राजमार्ग अन्तर्गत दाङको भालुबाङमा पुलबाट यात्रुवाहक बस राप्ती नदीमा खस्दा ५ जनाको उपचारका क्रममा मृत्यु भएको थियो भने ७ जनाको शव जेसिविको सहायताले बसबाट बाहिर निकालिएको छ ।

मृतकको सनाखत हुन नसकेको इलाका प्रहरी कार्यालय भालुबाङका प्रमुख प्रहरी निरीक्षक उज्ज्वलबहादुर सिंहले बताउनुभयो । नेपालगन्जबाट काठमाडौंतर्फ जाँदै गरेको भे १ ख ३९१२ नम्बरको बस शुक्रबार राति राप्ती गाउँपालिका-१ भालुबाङस्थित राप्ती पुलबाट नदीमा खसेको थियो ।

चालक प्रहरी नियन्त्रणमा रहेको उहाँको भनाइ छ । घटनास्थलमा जिल्ला प्रहरी प्रमुख एसपी रामबहादुर केसीसहित ३५ नेपाल प्रहरी, सशस्त्र प्रहरी बल ज्वालामाई गण भालुबाङका प्रमुख एसपी गोपालप्रसाद श्रेष्ठसहित ४५ सशस्त्र प्रहरी र जिल्ला ट्राफिक प्रहरी प्रमुख किरणप्रकाश मल्लसहित ६ जना ट्राफिक प्रहरी उद्धारमा खटेको मल्लले बताउनुभयो । २३ घाइतेहरूको प्रस्तावित भालुबाङ अस्पतालमा उपचार भइरहेको उहाँले जानकारी दिनुभयो ।

प्रकाशित मिति: शनिबार, पुस २८, २०८० १३:००

प्रतिक्रिया दिनुहोस्