वाग्मती प्रदेश सरकारद्वारा स्वास्थ्य सामग्री हस्तान्तरण

स्वास्थ्य

Home
स्वास्थ्य
वाग्मती प्रदेश सरकारद्वारा स्वास्थ्य सामग्री हस्तान्तरण

वाग्मती प्रदेश सरकारद्वारा स्वास्थ्य सामग्री हस्तान्तरण

वाग्मती प्रदेश सरकारद्वारा स्वास्थ्य सामग्री हस्तान्तरण
चितवन । वाग्मती प्रदेशको सामाजिक विकास मन्त्रालयले यहाँको स्वास्थ्य कार्यालयलाई ३० प्रकारका औषधिसहितका स्वास्थ्य सामग्री हस्तान्तरण गरेको छ । प्रदेशका राजनीतिक सल्लाहकार जगन्नाथ थपलियाले ती सामग्री स्वास्थ्य कार्यालय प्रमुख दीपक तिवारीलाई आज हस्तान्तरण गर्नुभएको हो ।

सो अवसरमा थपलियाले कोरोना सङ्क्रमणको समयमा जिल्लामा आवश्यक परेमा थप स्वास्थ्य सामग्री उपलब्ध गराउन प्रदेश सरकार प्रतिबद्ध रहेको बताउनुभयो । उहाँले भन्नुभयो, “आम नागरिकलाई सङ्क्रमणबाट बचाउन आवश्यक सहयोगका लागि प्रदेश सरकार तयार छ ।”

जिल्लामा सङ्क्रमणको उपचारमा सबैले महत्वपूर्ण भूमिका निर्वाह गरिरहेको उहाँको भनाइ थियो । तिवारीले प्राप्त सामग्री पालिकाहरुमा पठाइने जानकारी दिनुभयो । कार्यालयमा भएका समस्याबारे समेत उहाँले थपलियालाई जानकारी गराउनुभएको थियो ।

कार्यक्रममा प्रदेशसभा सदस्य विजय सुवेदी र कृष्ण भुर्तेल पनि सहभागी हुनुहुन्थ्यो । प्रदेशले स्वास्थ्य कार्यालयलाई गाउन, सर्जिकल मास्क, ग्लोब्स, एन९५ मास्क, सुरक्षित चस्मा, फेससिल्ड, डेथबडी ब्याग, जुत्ताको कभर, स्यानिटाइजर, अक्सिजन कन्सन्ट्रेटरलगायत विभिन्न रोगका औषधि पठाएको हो । जिल्लामा एउटा महानगरपालिका, एक गाउँपालिका र पाँच नगरपालिका रहेका छन् । तिनीहरुमा रहेका जनसङ्ख्याका आधारमा यी सामग्री पठाइनेछ ।

प्रकाशित मिति: शुक्रबार, असार ४, २०७८ १४:२८

प्रतिक्रिया दिनुहोस्