बाँकेका ७ जना सहित ४० जनामा कोरोना संक्रमण पुष्टि, ४२ जना संक्रमण मुक्त

स्वास्थ्य

Home
स्वास्थ्य
बाँकेका ७ जना सहित ४० जनामा कोरोना संक्रमण पुष्टि, ४२ जना संक्रमण मुक्त

बाँकेका ७ जना सहित ४० जनामा कोरोना संक्रमण पुष्टि, ४२ जना संक्रमण मुक्त

बाँकेका ७ जना सहित ४० जनामा कोरोना संक्रमण पुष्टि, ४२ जना संक्रमण मुक्त

नेपालगन्ज । बाँकेका तीन वटा प्रयोगशालामा गरिएको परिक्षणमा आज बाँकेका ७ जना सहित ४० जनामा कोरोना संक्रमण पुष्टि भएको छ ।

भेरी अस्पतालमा ३० जना, नेपालगन्ज मेडिकल कलेज कोहलपुरमा ५ र बागेश्वरी ल्याबमा ५ जनामा कोरोना पुष्टि भएको जिल्ला कोभिड-१९ संकट व्यवस्थापन केन्द्रका फोकल पर्सन तेज ओलीले बताउनुभयो । कोरोनाबाट बाहिरी जिल्लाका १ जनाको मृत्यु भएको छ ।

आज ४२ जना डिष्चार्ज भएका छन् । हालसम्म बाँकेमा १७ हजार ३ सय ७१ जना संक्रमित भएका छन् । ती मध्ये १६ हजार ९ सय २९ जना निको भई डिष्चार्ज भएका छन् । संक्रमित मध्ये ३ सय ९ जनाको मृत्यु भएको छ ।

जिल्लामा १ सय ३३ जना सक्रिय संक्रमित रहँदा ८५ जना अस्पताल र आइसोलेसनमा छन् भने १ सय ३३ जना होम आइसोलेसनमा छन् ।

प्रकाशित मिति: बुधबार, असार २, २०७८ १७:४४

प्रतिक्रिया दिनुहोस्