करिब एक अर्ब रुपैयाँको सुन बरामद भएपछि आईजीपीलाई लिएर विमानस्थल पुगे गृहमन्त्री श्रेष्ठ

राजनीति

Home
राजनीति
करिब एक अर्ब रुपैयाँको सुन बरामद भएपछि आईजीपीलाई लिएर विमानस्थल पुगे गृहमन्त्री श्रेष्ठ

करिब एक अर्ब रुपैयाँको सुन बरामद भएपछि आईजीपीलाई लिएर विमानस्थल पुगे गृहमन्त्री श्रेष्ठ

काठमाडौं । उपप्रधान तथा गृहमन्त्री नारायणकाजी श्रेष्ठले त्रिभुवन विमानस्थलको निरीक्षण गर्नुभएको छ ।

बुधबार हवाई मार्ग हुँदै सय केजी सुन बरामद भएपछि मन्त्री श्रेष्ठ आज शुक्रबार बिहान आईजीपी वसन्त कुँवर र महानगरीय प्रहरी कार्यालय प्रमुख एआईजीपी श्यामलाल ज्ञवालीलाई लिएर विमानस्थल निरीक्षणमा पुग्नु भएको हो ।

सो क्रममा उहाँले विमानस्थल भन्सार र अन्तर्राष्ट्रिय आगमन क्षेत्रमा समेत अनुगमन गर्नुभएको छ । त्यस क्रममा गृहमन्त्री श्रेष्ठलाई भन्सार विभागका उपसचिव नारद गौतमले सामान जाँचपास हुने क्षेत्र र जाँचपासको विधिसहितका विषयमा ब्रिफिङ गर्नुभएको थियो ।

करिब एक अर्ब रुपैयाँको सुन बरामद भएपछि उपप्रधानमन्त्री श्रेष्ठले बिहीबार भन्सार विभागका महानिर्देशक शोभकान्त पौडेलसँग सोधपुछ गर्नुभएको थियो । उहाँले विमानस्थल सुरक्षाको विषयलाई लिएर वर्तमान तथा पूर्व प्रहरी अधिकारीहरुसँग पनि छलफल गर्नुभएको थियो ।

अर्थ र गृहमन्त्रालय मातहतको विमानस्थलबाट एक क्विन्टल अवैध सुन भित्रिएको विषयमा श्रेष्ठ र अर्थमन्त्री डा. प्रकाशशरण महतको आलोचना भइरहेका बेला उहाँ विमानस्थल अनुगमनमा निस्कनु भएको हो ।

प्रकाशित मिति: शुक्रबार, साउन ५, २०८० १२:५७

प्रतिक्रिया दिनुहोस्