कोभिड अस्पताललाई तयारी अवस्थामा राखेका छौँः सामाजिक विकास मन्त्री राई

स्वास्थ्य

Home
स्वास्थ्य
कोभिड अस्पताललाई तयारी अवस्थामा राखेका छौँः सामाजिक विकास मन्त्री राई

कोभिड अस्पताललाई तयारी अवस्थामा राखेका छौँः सामाजिक विकास मन्त्री राई

मोरङ ३ वैशाख : प्रदेश १ को राजधानी विराटनगरमा कोभिड १९ संक्रमितको मृत्यु भएसँगै सामाजिक विकास मन्त्रालयले कोभिड अस्पतालको अनुगमन गरेको छ ।

सोमबार विहान करिब १२ बजे दमकका एक बृद्धको कोशी अस्पताल कोभिड १९ उपचार केन्द्रमा उपचारका क्रममा मृत्यु भएपछि सोमबार सामाजिक विकासमन्त्री उषाकला राईले अस्पतालको अनुगमन गरेकी हुन् ।

यसक्रममा मन्त्री राईले कोभिड अस्पताललाई तयारी अवस्थामा राखिएको बताएकी छन् । अनुमगनका क्रममा कोभिड १९ उपचार केन्द्रमा तत्कालका लागि १ सय ८० शैया तयारी अवस्थामा रहेको जानकारी दिइन् ।

मन्त्री राईले जिल्लास्तर र सीमानाकामा समेत आवश्यकता अनुसार सतर्कता अपनाउनका लागि सम्बन्धित निकायलाई निर्देशन दिइएको जानकारी दिइन् ।

सोही क्रममा मन्त्रालयका सचिव गोविन्द कार्कीले संक्रमणको दर बढ्न थालेको बताए । चैत २० पछिको १० दिनको अवधिमा संक्रमण दर बढेको उनको भनाइ छ ।

संक्रमण दर बढेसँगै कोभिड १९ अस्पताल, आइसोलेसन केन्द्रहरुलाई तयारी अवस्थामा राखिएको सचिव कार्कीले जानकारी दिए ।

प्रकाशित मिति: शुक्रबार, वैशाख ३, २०७८ १४:२१

प्रतिक्रिया दिनुहोस्