बर्दियाको धनौरामा सशस्त्रलाई देखेपछि भरुवा बन्दुक फालेर शिकारी भारततर्फ फरार

सुरक्षा/अपराध

Home
सुरक्षा/अपराध
बर्दियाको धनौरामा सशस्त्रलाई देखेपछि भरुवा बन्दुक फालेर शिकारी भारततर्फ फरार

बर्दियाको धनौरामा सशस्त्रलाई देखेपछि भरुवा बन्दुक फालेर शिकारी भारततर्फ फरार

गुलरिया । सशस्त्र प्रहरीले बर्दियाको मधुवन नगरपालिका वडा नम्बर - ३ धनौरा स्थित बेलझुण्डी सामुदायिक वनबाट एक थान भरुवा बन्दुक बरामद गरेको छ ।

चैत १६ गते बिहीवार राति करिब ९:४५ बजे सशस्त्र प्रहरी बल नेपाल फरवार्ड बेस धनौराबाट खटिएको गस्ती टोलीलाई देखेपछि केही ब्यक्ति हतियार फालेर भारततर्फ भागेको सशस्त्र प्रहरी बल बिओपी भग्रैयाका प्रमुख सशस्त्र प्रहरी निरीक्षक (इन्स्पेक्टर) बम बहादुर कुवँरले जानकारी दिनुभयो ।

संरक्षित क्षेत्र खाता जैविक मार्गमा पर्ने जंगलमा शिकार खेल्न आएका शिकारीले सशस्त्र प्रहरी सहायक निरीक्षक (असइ) मगरु चौधरीको कमाण्डमा खटिएको गस्ती टोलीलाई देखेपछि हतियार छोडेर भागेको प्रारम्भिक अनुसन्धानमा देखिएको छ ।

धनौरा, भग्रैया र बिपतपुर लगायतका क्षेत्रमा सशस्त्र प्रहरी र नेपाल प्रहरीले नियमित गस्ती गर्ने गरेका छन ।

प्रकाशित मिति: आइतबार, चैत १९, २०७९ ०९:३८

प्रतिक्रिया दिनुहोस्