मिटरब्याजी समस्याले हजारौँ किसान पीडित छन्, समस्या समाधान गर्छु : प्रधानमन्त्री दाहाल

राजनीति

Home
राजनीति
मिटरब्याजी समस्याले हजारौँ किसान पीडित छन्, समस्या समाधान गर्छु : प्रधानमन्त्री दाहाल

मिटरब्याजी समस्याले हजारौँ किसान पीडित छन्, समस्या समाधान गर्छु : प्रधानमन्त्री दाहाल

फाइल तस्बिर
काठमाडौँ । प्रधानमन्त्री पुष्पकमल दाहाल ‘प्रचण्ड’ले मिटरब्याजी समस्या समाधानका लागि आफूले यथाशीघ्र पहल गर्ने बताउनुभएको छ ।

गाउँ तथा सहर जताततै मिटरब्याजीका कारण कमजोर आय भएका नागरिक नराम्ररी पासोमा परेको भन्दै आज बिहान प्रधानमन्त्री निवास बालुवाटारमा मिटरब्याजी समस्याबाट पीडित किसानसँग प्रधानमन्त्री दाहालले भेट गर्नुभएको हो ।

पीडित किसानसँगको भेटमा प्रधानमन्त्रीले यस समस्यालाई आफूले समाधान गर्ने विश्वास दिलाउनुभएको हो ।

प्रधानमन्त्रीले भन्नुभयो, “अघिल्लो सरकारसँग भएको सम्झौता हेर्छौँ । मिटरब्याजी समस्याले हजारौँ किसान पीडित हुनुभएको छ । यसलाई मैले राम्रोसँग बुझेको छु । यसपटक तपाईँहरूको समस्या समाधान गर्ने कुरा मेरो प्राथमिकतामा छ, म समाधान गर्छु ।”

प्रधानमन्त्रीसँग भेटमा किसानका प्रतिनिधिले वर्तमान सरकार किसानको प्रतिनिधि सरकार भएकाले आफूहरूका समस्या समाधान हुने विश्वास व्यक्त गरेको प्रधानमन्त्रीको सचिवालयले जनाएको छ ।

प्रकाशित मिति: शुक्रबार, माघ ६, २०७९ १०:४८

प्रतिक्रिया दिनुहोस्