विद्यार्थीहरूलाई न्यानो कपडा वितरण

स्वास्थ्य

Home
स्वास्थ्य
विद्यार्थीहरूलाई न्यानो कपडा वितरण

विद्यार्थीहरूलाई न्यानो कपडा वितरण

रविन्द्र यादव, नवलपरासी पश्चिम । जिल्लाको सुस्ता स्थित श्री जनता दलित आधारभूत विद्यालयका विद्यार्थीहरूलाईआज न्यानो कपडा वितरण गरिएको छ ।

चौधरी फाउन्डेसनको सहयोगमा विद्यालयमा कक्षा १ मा अध्ययनरत ९१ जना छात्र छात्रालाई ट्रयाकसुट तथा टोपी उपलब्ध गराइएको हो ।

उक्त न्यानो कपडा वितरण गर्दै प्रदेश सभा सदस्य देवकरण प्रसाद कलवार सन्तुले सुस्ताको चौतर्फी विकासका लागी आगामी दिनमा समेत आफू जनप्रतिनिधिका हैसियतले काम गरिरहने प्रतिबद्धता व्यक्त गर्नुभयो ।

सो अवसरमा समाजसेवी एवं चौधरी फाउन्डेसनकी सचिव सारीका चौधरीले फाउन्डेसन आवश्यकता अनुसार विभिन्न सामाजिक कार्यमा संलग्न रहँदै आएकोले आगामी दिनमा समेत समाजका लागि विभिन्न गतिविधि गर्दै जाने प्रतिबद्धता व्यक्त गर्नुभयो ।

सो अवसरमा विद्यालयका प्रधानाध्यापक उदय रुचाल, नेपाल महिला सङ्घ नवलपरासी की सभापति कमला पराजुली, सोही वडाका वडा सदस्य आदम हुसेन खाँ लगायतकाले आ आफ्नो विचार राख्नुभएको थियो । २०५९ सालमा स्थापना भएको सो विद्यालयमा ४०१ जना विद्यार्थी अध्ययनरत छन् ।

प्रकाशित मिति: शुक्रबार, पुस २९, २०७९ १७:५९

प्रतिक्रिया दिनुहोस्