गण्डकीका मुख्यमन्त्री गुरुङ विश्वासको मत पाउन असफल, मुख्यमन्त्री पदमुक्त

राजनीति

Home
राजनीति
गण्डकीका मुख्यमन्त्री गुरुङ विश्वासको मत पाउन असफल, मुख्यमन्त्री पदमुक्त

गण्डकीका मुख्यमन्त्री गुरुङ विश्वासको मत पाउन असफल, मुख्यमन्त्री पदमुक्त

पोखरा । गण्डकी प्रदेशका मुख्यमन्त्री पृथ्वीसुव्वा गुरुङ प्रदेशसभाबाट विश्वासको मत पाउन असफल हुनुभएको छ । प्रदेशसभाको आजको बैठकमा विश्वासको मत लिने क्रममा उहाँले जम्मा २७ मत मात्र पाउनुभएको छ ।

मुख्यमन्त्री गुरुङले बिहीबार प्रदेशसभामा विश्वासको मतसम्बन्धी प्रस्ताव पेश गरेकोमा उहाँले बहुमत प्राप्त गर्न सक्नुभएन । यससँगै मुख्यमन्त्री गुरुङ पदमुक्त बन्नुभएको छ ।

गत वैशाख २९ गते मुख्यमन्त्रीमा दोस्रो पटक नियुक्त हुनुभएका गुरुङले संवैधानिक प्रावधानअनुसार विहीबार विश्वासको मत लिन प्रयास गर्नुभएको थियो । मुख्यमन्त्री गुरुङको पक्षमा २७ मत मात्र परेको थियो भने विपक्षमा ३० मत परेको थियो ।

सभामुखसहित ६० सदस्य रहेको प्रदेशसभाको बैठकमा बिहीबार कुल ५८ जना उपस्थित हुनुहुन्थ्यो । मतदानमा ५७ जना प्रदेशसभा सदस्यहरुको सहभागिता रहेको थियो । जनमोर्चाका कृष्ण थापा मतदान नगरी तटस्थ बस्नुभएको थियो भने दीपक मनाङ्गे अनुपस्थित हुनुहुन्थ्यो ।

संविधानको धारा १६८ को उपधारा ३ बमोजिम मुख्यमन्त्री नियुक्त गुरुङले ३० दिनभित्र विश्वासको मत लिनुपर्ने संविधानको धारा १६८ को उपधारा ४ बमोजिम प्रदेशसभाको विश्वास पाउ भन्दै प्रस्ताव पेश गर्नुभएकोमा उहाँले बहुमत प्राप्त गर्न सक्नुभएन ।

प्रकाशित मिति: बिहीबार, जेठ २७, २०७८ १८:३२

प्रतिक्रिया दिनुहोस्