बर्दिया पुगेर नेता रावलले भने, 'बर्दियाली जनताको सेवामा समर्पित छु, ५ वर्षमा विकास गरेर देखाउँछु'

राजनीति

Home
राजनीति
बर्दिया पुगेर नेता रावलले भने, 'बर्दियाली जनताको सेवामा समर्पित छु, ५ वर्षमा विकास गरेर देखाउँछु'

बर्दिया पुगेर नेता रावलले भने, 'बर्दियाली जनताको सेवामा समर्पित छु, ५ वर्षमा विकास गरेर देखाउँछु'

बर्दिया । राष्ट्रिय प्रजातान्त्रिक पार्टीका नेता तथा समाजसेवी विनय रावल आज साँझ बिहीबार बर्दिया आउनुभएको छ ।

बाँकेको राँझा बिमानस्थलमा संचारकर्मी तथा राप्रपा कार्यकर्ताहरूसँग कुरा गर्दै उहाँले आफू बर्दियाली जनताको सेवामा समर्पित भएकाले जतिसुकै समस्या आएपनी दत्तचित्त भएर चुनावी प्रचारप्रसारमा लाग्ने बताउनुभएको छ ।

उहाँले आफुलाई प्रतिनिधिसभा सदस्यमा मत हालेर जिताए बर्दियाको कायापलट गर्दै बर्दियाली जनताको जिवनस्तरमा आमूल परिवर्तन ल्याउने घोषणा गर्नुभयो ।

उहाँले भन्नुभयो, "म ढुक्क छु, बेटर एण्ड ब्राइटर बर्दियाको मुल भावनालाई बुझेर युवाहरूले मलाई साथ दिनुहुन्छ । बर्दियाका आमाबुबा, दाजुभाइ तथा दिदिबहिनीहरूले बर्दियाको विकास होस भन्ने चाहनुहुन्छ । यस्तो चाहना प्रत्यक बर्दियाका नागरिकमा कुण्ठित छ । आज लोकतान्त्रिक गणतन्त्र आएपछि जनताको लागि मरिमेट्छु भन्ने नेत्ताहरूले खोइ के गरे ? काठमाडौमा घर हाले, जनताको पैसाबाट बिदेश भ्रमण गरे ? आखिर ५ वर्षमा कहाँ विकास भयो मलाई देखाइदिनुस त !"

प्रभावशाली युवा नेता तथा समाजसेवी रावलले प्रतिनिधिसभा क्षेत्र नम्बर २ बाट निर्वाचन लड्दै हुनुहुन्छ ।

प्रकाशित मिति: बिहीबार, भदौ १६, २०७९ २०:४७

प्रतिक्रिया दिनुहोस्