बर्दिया । बढैयाताल गाउँपालिकाका अध्यक्ष हिमालय त्रिपाठीले राजनितिक प्रतिशोध साँध्नको लागि गाँउपालिकाको नीति तथा कार्यक्रम ल्याउन नेकपा एमालेले अवरोध गरेको आरोप लगाउनुभएको छ ।
उहाँले नेकपा एमालेबाट निर्वाचित भएका जनप्रतिनिधिहरुको संख्या बढी भएका कारण राजनितिक कटुता तथा चुनावी ह्याङओभरलाई साँध्नको लागि नीति तथा कार्यक्रमलाई एमालेले ल्याउन नदिएको बताउनुभयो ।
उहाँले भन्नुभयो, "पालिकामा बहुमत सदस्य एमालेका छन, नीति तथा कार्यक्रम बहुमतको दम्भमा ल्याउन दिएका छैनन । उनिहरुको क्षणिक राजनितीक स्वार्थका कारण सम्पुर्ण गाउँपालिकाको आगामी विकासको योजना बन्धक भएको छ ।"
उहाँले नेकपा एमालेका तर्फबाट निर्वाचित जनप्रतिनिधिलाई पालिकाका जनताको भविस्य र बिकासमा अबरोध नगर्न आग्रह गर्नुभयो ।
बढैयाताल गाउँपालिकामा ९ वटा मध्य नेकपा एमालेले वडा नंम्बर १, २, ७, ८ र ९ मा पुरै प्यानल सहित जितेको छ ।
नेपाली कांग्रेसले वडा नंम्बर ६ र नेकपा माओवादी केन्द्रले ५ नम्बर वडामा प्यानल सहित जितेको छ ।
बाँकी वडा नंम्बर ३ मा खुल्ला सदस्य तर्फ १ जना र ४ नंम्बर वडामा १ जना खुल्ला सदस्य र १ जना दलित महिला सदस्यमा नेकपा माओवादी केन्द्रले जितेको छ ।
बढैयाताल गाउँपालिकामा नेकपा एमालेबाट उपाध्यक्ष सहित ३३ जना जनप्रतिनिधिहरु निर्वाचित भएका छन् भने नेकपा माओवादी केन्द्रबाट गाउँपालिका अध्यक्ष सहित ९ जना जनप्रनितिधि र नेपाली कांग्रेसबाट ५ जना मात्रै जनप्रतिनिधिहरु निर्वाचित भएका छन् ।
नेकपा एमालेबाट निर्वाचित हुने जनप्रतिनिधिहरुले असहयोग गर्दै नीति तथा कार्यक्रम र बजेट ल्याउन नदिएर पालिकाको सम्पुर्ण विकासका योजनामा ताला लागेको अध्यक्ष त्रिपाठीले बताउनुभयो ।
नीति तथा कार्यक्रम र बजेट नआए आगामी दिनमा कर्मचारीहरुले तलव कसरी खाने ? बढैयाताल गाउँपालिकाको बिकास कसरी हुने ? भन्ने प्रश्न उठेको अध्यक्ष त्रिपाठीको भनाइ छ ।
अध्यक्ष त्रिपाठीसँग बढैयाताल गाँउपालिकाले असार १० गते आफ्नो नीति तथा कार्यक्रम किन ल्याउन नसकेको ? भन्ने प्रश्न गर्दा उहाँको भनाइ यस्तो छ...
हिमालय त्रिपाठी
अध्यक्ष
बढैयाताल गाउँपालिकाका
म नीति र नियम, बिधि र कानुनमा बस्ने भएकोले कानुन भन्दा बाहिर जान नसक्ने भएकोले, सिस्टम र बिधिलाई पालाना गर्ने जनताहरुको माझ प्रतिज्ञा र बाचा गरेको छु ।
सोही अनुसार असार ६, ७, ८, ९ र १० गते कार्यापालिकाको बैठक बस्दा बहुमत पक्षबाट बिभिन्न एजेण्डा राखियो ।
जस्तै पुराना कर्मचारी नहटाउने शर्त, कर्मचारीहरुलाई हटाउनु मेरो उदेश्य होइन । कर्मचारीहरुलाई ब्यवस्थित गर्नु र कानुन संवत् राख्नु मेरो उदेश्य हो । गत बर्षको महालेखा परीक्षकको प्रतिबेदनमा ३८ जना कर्मचारीहरुको नाममा बेरुजु कायम रहेको छ ।
म कार्यालयमा आईसकेपछि कागजपत्र हेर्ने क्रममा ३८ जना कर्मचारीहरुको नाममा महालेखाको प्रतिबेदनमा बेरुजु पाएँ, यो गम्भीर विषय हो ।
यस अघिका जनप्रतिनिधिहरुले कानुन मिचेर कर्मचारी राखेको देखिएपछि आफु बिधि र पद्धातिअनुसार चल्ने स्पष्ट पार्दै असार १० गते निति तथा कार्यक्रम पास गरौँ भन्ने माग राखेको थिएँ ।
मैले कसैको जागिर खोसेर उसको बाल बच्चालाई भोकै राख्ने मेरो उदेश्य होईन । तर बहुमत पक्षद्धारा प्याकेजमै जानु पर्छ भन्ने कुरा आयो । २०७१ साल देखि जागिर खाँदै आउनु भएका कर्मचारीहरुको पहिला बेरुजु देखिएन तर अहिले किन देखियो ?
महालेखा परीक्षकको प्रतिबेदनले केही हुँदैन भन्ने आवाज आएपछि म कानुनको पालना गर्ने भएकोले सिस्टम अनुसार कानुनको पालाना गर्दै नीति तथा कार्यक्रम र बिनियोजित ऐन र आर्थिक ऐन पास गरेर अगाडी बढौँ भन्दा बहुमत भएको पक्षले रोकेको छ ।
नीति तथा कार्यक्रम र बजेट पास गर्नका लागि बिभिन्न ब्यक्तित्व, राजनितिक दल र बुद्धिजिवीहरुसंग छलफल गरीरहेको छु ।
तपाईंको मिडिया मार्फत जनतालाई जानकारी गराउँछु की नेकपा एमालेले अवरोध गरेर आज बढैयातालको विकासलाई रोकेको छ । यो बिषयमा जनता स्वयम जागरुक हुनु पर्छ है भन्ने सन्देश पर्वाह गर्न चाहन्छु ।
केही अफ्ठ्यारो भएपनि सिस्टम र बिधिमा जाँदा बहुमत चाहिँदैन । राम्रो काम गर्नेलाई सबैले सम्मान गर्छन् । सत्कार गर्छन् र स्वागत गर्छन् । त्यसले गर्दाखेरी म नीति र नियम भन्दा बाहिर जाँदैन ।
बढैयाताल गाँउपालिकामा एकतिर कर्मचारी अभाव रहेको छ भने अर्को तिर बेरुजु पनि छ । कर्मचारीहरुलाई सिस्टममा नराखेकै कारण यस्तो देखिएको हो ।
अहिले महालेखा परीक्षकको प्रतिबेदन अनुसार बढैयाताल गाँउपालिकामा ९९ लाख ८ हजार ३५० रुपैँया बेरुजु रहेको छ ।
