सादा पोसाकका ट्राफिक प्रहरीको फन्दामा मोटरसाईकल चोर...

अपराध

Home
अपराध
सादा पोसाकका ट्राफिक प्रहरीको फन्दामा मोटरसाईकल चोर...

सादा पोसाकका ट्राफिक प्रहरीको फन्दामा मोटरसाईकल चोर...

काठमाडौँ । मोटरसाईकल चोरी गर्ने १ जनालाई मोटरसाईकल सहित काठमाडौँ उपत्यका ट्राफिक प्रहरी कार्यालयले आज नियन्त्रणमा लिएको छ ।

सादा पोसाकमा खटिएको ट्राफिक प्रहरीको टोलीले काठमाडौँको तार्केश्वर नगरपालिका वडा नं. ५ लोलाङ हाईट स्थित सडक खण्डबाट चोरीको मोटरसाइकल सहित मकवानपुर ईन्द्रसरोवर गाउँपालिका वडा नं. ५ घर भई हाल काठमाडौँ लोलाङ बस्ने २६ वर्षीय सुदास लामालाई पक्राउ गरेको हो ।

बास्तविक नम्वर परिवर्तन गरिएको कालो निलो २२० सी.सी.को पल्सर मोटरसाईकल चलाई रहेको अवस्थामा लामालाई मोटरसाइकल सहित नियन्त्रणमा लिएको कार्यालय प्रमुख प्रहरी वरिष्ठ उपरीक्षक उमेश राज जोशीले जानकारी दिनुभयो ।

उक्त मोटरसाईकलको वास्तविक नम्बर बागमति प्रदेश ०२ - ०२५ प १०१० रहेको खुल्न आएको उपत्यका ट्राफिक प्रहरी कार्यालयले जानकारी दिएको छ ।

उक्त मोटरसाइकल ललितपुर गोदावरी नगरपालिका वडा नं. ८ डुकुछाप बस्ने नवराज घिमिरेको घरबाट हराएको खुल्न आएको छ ।

पक्राउ गरिएको व्यक्ति सहित उक्त मोटरसाइकललाई चोरी मुद्दाका अनुसन्धान कारबाहिका लागी प्रहरी परिसर जावलाखेलमा पठाएको उपत्यका ट्राफिक कार्यालयले जनाएको छ ।

पछिल्लो समय उपत्यकाको विभिन्न स्थानहरूबाट चोरी भई हराएका मोटरसाईकल र चोरी गर्ने कार्यमा संलग्न व्यक्तिहरूको सूचना संकलन एवं निगरानी राखी बिशेष कारबाही अभियान ट्राफिक कार्यालयले चलाएको छ ।

प्रकाशित मिति: बुधबार, वैशाख १४, २०७९ ११:३५

प्रतिक्रिया दिनुहोस्