बर्दियामा घरमा आगलागी हुँदा जलेर १४ वर्षीय चौधरीको मृत्‍यु

प्रदेश

Home
प्रदेश
बर्दियामा घरमा आगलागी हुँदा जलेर १४ वर्षीय चौधरीको मृत्‍यु

बर्दियामा घरमा आगलागी हुँदा जलेर १४ वर्षीय चौधरीको मृत्‍यु

बर्दिया । बर्दियाको बारबर्दिया नगरपालिका वडा नं. ९ खैरेनीमा रहेको टिनले छाएको दुई कोठे एकतले कच्ची घरमा आगलागी हुँदा जलेर एक जनाको मृत्‍यु भएको छ । आगलागीबाट मृत्‍यु हुनेमा १४ वर्षीय दिनेश चौधरी रहनुभएको छ ।

जिल्ला प्रहरी कार्यालय बर्दियाका अनुसार मंगलबार, फागुन २४, २०७८ गते राती करिब १०:०५ बजेको समयमा बारबर्दिया नगरपालिका वडा नं. ९ खैरेनी बस्ने सानु चौधरीको टिनले छाएको घरमा अचानक आगलागी भएको सुचना प्राप्त भएको थियो ।

चौधरीकी श्रीमती र छोरी छिमेकीको घरमा गएको र १४ वर्षिय छोरा दिनेश चौधरी घरभित्र एक्लै सुतिरहेको अवस्थामा आगलागी भएको सुचना प्राप्त भएपछि प्रहरी चौकी कतर्नियाघाट, ईलाका प्रहरी कार्यालय मोतिपुरबाट खटिएको प्रहरी टोली, स्थानियबासी र दमकलको सहयोगमा आगो निभाउने कार्य भएको थियो ।

जिल्ला प्रहरी कार्यालय बर्दियाका अनुसार करिब १०:५० बजे राती आगो नियन्त्रणमा आएको थियो । उक्त घटनामा घरभित्र रहेका १४ वर्षीय दिनेश चौधरीको निधन भएको बर्दिया प्रहरीले जानकारी दिएको छ ।

जिल्ला प्रहरी कार्यालय बर्दियाका प्रवक्ता प्रहरी नायव उपरीक्षक हेम बहादुर शाहीले घटनाको बिषयमा प्रहरीले थप अनुसन्धान सुरु गरेको जानकारी दिनुभयो । मृतक चौधरीको शव पोस्टमार्टमकालागी जिल्ला अस्पातल बर्दिया, गुलरियामा राखिएको छ । आगलागीको कारण थप अनुसन्धान पछि खुल्ने बर्दिया प्रहरीले जनाएको छ ।

प्रकाशित मिति: बुधबार, फागुन २५, २०७८ ११:३४

प्रतिक्रिया दिनुहोस्