बर्दिया प्रहरी, मधुवन मेयर र समाजसेवीले भारत पुगेर बालिका उद्दार गर्दै आफ्नो देश नेपाल ल्याए

समाज

Home
समाज
बर्दिया प्रहरी, मधुवन मेयर र समाजसेवीले भारत पुगेर बालिका उद्दार गर्दै आफ्नो देश नेपाल ल्याए

बर्दिया प्रहरी, मधुवन मेयर र समाजसेवीले भारत पुगेर बालिका उद्दार गर्दै आफ्नो देश नेपाल ल्याए

बर्दिया । बर्दिया प्रहरी, मधुवन मेयर र समाजसेवीले भारतको लखनउ पुगेर बालिका उद्दार गरेर आफ्नो देश नेपाल फर्काउनुभएको छ ।

अचम्म तथा असम्भव लाग्ने यो कार्य बर्दियाको मधुवन नगरपालिकाका नगरप्रमुख(मेयर) कृष्ण केसी, जिल्ला प्रहरी कार्यालयबाट खटी गएका प्रहरी निरीक्षक (इन्स्पेक्टर) गोपाल पौडेल र बर्दियाका समाजसेवी मनोज कुमार यादवले सम्भव तुल्याउनु भएको छ ।

जिल्ला प्रहरी कार्यालय बर्दियाका निमित्त प्रमुख हेम बहादुर शाहीका अनुसार मिति २०७८/११/६ गते राती अन्दाजी राती ९ बजेको समयमा १६ वर्षिया एक बालिका बेपत्ता भएको सुचना प्राप्त भएको थियो । उक्त सुचनाको आधारमा बेपत्ता बालिकाको प्रहरीले व्यापक खोज तलास गरेको थियो । प्रहरीले विभिन्न आफ्ना स्रोत साधनको प्रयोग गर्दै अनुसन्धान गर्दा बालिका भारतको लखनउमा रहेको भन्ने सुचना प्राप्त भएको थियो ।

जिल्ला प्रहरी कार्यालय बर्दियाले यस घटनाको बारेमा प्रेस नोट जारी गरेको छ । जिल्ला प्रहरी कार्यालय बर्दियाका निमित्त प्रमुख हेम बहादुर शाहीद्वारा जारी उक्त प्रेस नोटमा भनिएको छ, "मिति २०७८।११।०६ गते राति अन्दाजी ९ बजेको समयमा जिल्ला बर्दिया मधुवन नगरपालिका बस्ने वर्ष १६ कि बालिका (परिवर्तित नाम संकेत नं. ६६ S) हराइ बेपत्ता भएकी भन्ने यस कार्यालयमा सुचना प्राप्त हुनासाथ निज बालिकाको निरन्तर खोजतलास तथा अनुसन्धान पश्चात मिति २०७८।११।११ गते भारतको लखनउमा रहेको भन्ने विशेष सुचनाको आधारमा मधुवन नगरपालिकाका नगर प्रमुख कृष्ण के.सी., जिल्ला प्रहरी कार्यालय बर्दियाका प्रहरी निरीक्षक गोपाल पौडेल र समाज सेवी मनोज कुमार यादवको टोलीले लखनउ गई निज बालिकालाई उद्धार गरी जिल्ला प्रहरी कार्यालय बर्दियामा ल्याइएको, साथै यस सम्बन्धमा थप अनुसन्धान कार्य भईरहेको ।"

प्रकाशित मिति: शुक्रबार, फागुन १३, २०७८ १२:२२