‘बालबालिकालाई कोरोनाबाट नजोगाए धेरै अगंमा असर पर्न सक्छ‘

स्वास्थ्य

Home
स्वास्थ्य
‘बालबालिकालाई कोरोनाबाट नजोगाए धेरै अगंमा असर पर्न सक्छ‘

‘बालबालिकालाई कोरोनाबाट नजोगाए धेरै अगंमा असर पर्न सक्छ‘

नेपालगन्ज ५ वैशाख : बाल चिकित्सकहरूको संस्था नेपाल पेडियाट्रिक सोसाइटीले कोभिड–१९ को संक्रमणबाट बालबालिकालाई बचाउन पाँच बुँदे अपिल जारी गरेको छ । सोसाइटीले स्वास्थ्यका मापदण्ड पूरा भएको अवस्थामा मात्रै विद्यालय पठाउन अनुरोध गरेको छ ।

पछिल्लो समय कोभिड–१९ बाट संक्रमित हुनेमा १० प्रतिशत बालबालिका रहेको भन्दै सोसाइटीले भिडभाडमा बालबालिका लिएर नजान, जानै परेमा स्वास्थ्यका मापदण्ड अपनाउन, बालबालिकालाई अन्य खोप समेत नियमित लगाउन र बालबालिकामा कुनैपनि असामान्य अवस्था देखिएमा तुरुन्तै चिकित्सककहाँ पु¥याउन अपिल गरेको छ ।

सोसाइटीले आइतबार एक सूचना जारी गर्दै बालबालिकामा कुनैपनि लक्षण नदेखिएपनि रोग हुनसक्ने र संक्रमण भएको ४ देखि ६ हप्तापछि मात्रै लक्षण देखिने भएकाले सजग रहन अभिभावकलाई सुझाएको छ ।

ढिलो लक्षण देखिँदा बालबालिकामा एमआइएससी (धेरैवटा अगंमा हुनसक्ने असर) भइ सिकिस्त हुनसक्ने र यसको उपचार समेत जटिल तथा महंगो हुने भन्दै रोकथामका लागि बालबालिका जोगाउन सोसाइटीले अपिल गरेको छ ।

प्रकाशित मिति: आइतबार, वैशाख ५, २०७८ २०:५३

प्रतिक्रिया दिनुहोस्