एमसीसी सम्झौताका पक्षमा मतदान गर्ने कांग्रेसको निर्णय : नेताहरुले भने - यहाँ अमेरिकाको सेना आउँदैन

राजनीति

Home
राजनीति
एमसीसी सम्झौताका पक्षमा मतदान गर्ने कांग्रेसको निर्णय : नेताहरुले भने - यहाँ अमेरिकाको सेना आउँदैन

एमसीसी सम्झौताका पक्षमा मतदान गर्ने कांग्रेसको निर्णय : नेताहरुले भने - यहाँ अमेरिकाको सेना आउँदैन

काठमाडौँ । नेपाली कांग्रेसको संसदीय दलको कार्यालयमा बसेको बैठकले एमसीसी सम्झौताको पक्षमा मतदान गर्ने निर्णय गरेको छ । मंगलबार सिंहदरबारस्थित कांग्रेस संसदीय दलको कार्यालयमा बसेको बैठकले एमसीसी सम्झौता प्रतिनिधिसभा बैठकमा टेबुल गर्न सरकारलाई आग्रह गर्ने र सो सम्झौताको पक्षमा मतदान गर्ने निर्णय गरेको हो ।

संसदीय दलको बैठकपछि सञ्चारकर्मीहरुसँग कुरा गर्दै नेपाली काँग्रेसका नेता डा.शशांक कोईरालाले बुधबार (भोली) बोलाइएको प्रतिनिधिसभाको बैठकमा एमसीसी पेस हुने र त्यसका पक्षमा मतदान गर्ने बताउनुभयो ।

उहाँले एमसीसी नेपालका लागि राम्रो भएकाले पारित गरिनुपर्ने पार्टीको धारणा रहेको बताउनुभयो । नेता कोईरालाले एमसीसीको रुपरेखाहरु नेपाल सरकारले नै बनाउने कुरा बैठकमा छलफल गरिएको समेत बताउनुभयो ।

नेता कोईरालाले भन्नुभयो, ‘रामशरण महतज्यूले एमसीसी नेपालको लागि राम्रो हो भनेर ब्रिफिङ गर्नुभयो । ९ वटा देशमा त्यस्तै कार्यक्रमहरु चलिरहेको छ । त्यहाँ कुनै अमेरिकाको सेनाहरु पनि आएका छैनन् ।

यसको रेखा नेपाल सरकारले गर्ने हो भन्ने छ। भोलिको बैठकमा पेस हुनसक्ने सम्भावना छ । बैठकको निस्कर्ष निस्किसकेको छैन । तर एमसीसी पास गर्नुपर्छ भन्ने कुरा हो ।

बैठकमा रामशरण महतजीले नेपालको लागि एमसीसी राम्रो हो । यहाँ अमेरिकाको सेना आउँदैन, उसले यहाँ हस्तक्षेप गर्दैन भन्ने कुराहरु राख्नुभएको छ ।’

प्रकाशित मिति: मंगलबार, फागुन ३, २०७८ १३:५२

प्रतिक्रिया दिनुहोस्