एमाले बर्दिया अधिवेशन: नेताहरुले भने, 'सर्वसम्मतिले जिल्ला कमिटी नेतृत्व चयन हुन्छ'
हरी गुरुङ, सन्दिप नाथ योगी । नेकपा एमाले जिल्ला कमिटी बर्दियाले बिहीबार, पुस २२, गते पत्रकार सम्मेलन गर्दै आफ्नो नवौँ जिल्ला अधिवेशनको तयारी बारे जानकारी दिएको छ । उक्त पत्रकार सम्मेलन कार्यक्रममा नेताहरुले सकेसम्म सर्वसम्मतिले नेतृत्व चुनिने, त्यो हुननसके निर्वाचन प्रकृयामा जाने जानकारी दिए ।
एमाले नेता तथा बर्दिया जिल्ला कमिटी अध्यक्ष लाल बहादुर श्रेष्ठले जिल्ला अधिवेशनको पुर्वतयारी सम्पन्न भएको जानकारी दिनुभयो । उहाँले राष्ट्रिय बिधान महाधिवेशन सर्वसम्मत रुपमा सम्पन्न भएको र बिचार, निती, सिद्धान्तको बिषयमा कुनैपनी पार्टीले गर्न नसकेको राष्ट्रिय बिधान महाधिवेशन हुँदै राष्ट्रिय महाधिवेशन एमालेले गरेको अवस्थामा जिल्लामापनी सर्वसहमतिका आधारमा जिल्ला अधिवेशन हुने बताउनुभयो ।
उहाँले भन्नुभयो, "बर्दिया जिल्लाको ७५ वटा वडा र ८ वटै पालिकामा सर्वसम्मत रुपमा नेतृत्व चयन गरिएकाले स्वत: सर्वसम्मत रुपमा जिल्ला कमिटी चुनिन्छ । प्रत्यक पालिका र वडामा सर्वसहमतीबाट नेत्रित्व चुन्न सहजिकरण गर्यौँ, प्रयास गर्यौँ, मेहेनत गर्यौँ भने अब हामी आफैले जिल्ला कमिटिको नेतृत्व चुन्न निर्वाचनमा जाँदा नैतिक दबाब पर्ने हुन्छ । त्यसैले हामी सर्वसहमतिका आधारमा जिल्ला कमिटिको नेतृत्व चयन गर्छौँ ।"
त्यस्तै एमाले नेता तथा जिल्ला कमिटी उपाध्यक्ष शालिकराम अधिकारीले अब नेकपा एमाले एकताबद्ध रुपमा अगाडि बढ्ने बताउनुभयो । उहाँले नेकपा एमालेले राष्ट्रिय बिधान महाधिवेशन, राष्ट्रिय महाधिवेशन गरेर एमाले निती, बिचार र सिद्धान्तको आधारमा र जनताको आवाज बनेर अगाडि बढ्ने पार्टी रहेको सन्देश प्रवाह गर्न सफल भएको बताउनुभयो ।
उहाँले भन्नुभयो, "नेकपा एमाले यस्तो पार्टी हो जस्ले बिचार, बिधी र सिद्धान्तको आधारमा छलफल चलाएर, त्यसबाट निती निर्धारण गरेर सिंगो पार्टीलाई अगाडी बढाएको छ । हाम्रा सदस्यहरु घटेका छैनन बढेका छन र आउने चुनावमा नेकपा एमाले जनाताको पहिलो पार्टी भएर उभिन्छ ।"
त्यस्तै एमालेका नेता, केन्द्रिय सदस्य तथा पत्रकार सम्मेलन कार्यक्रमका प्रमुख अतिथी लक्षमण ज्ञवालीले अब आउने निर्वाचनमा नेकपा एमाले पहिलो पार्टी हुने बताउनुभयो । उहाँले नेकपाको निरन्तरता नै एमाले रहेको बताउनुभयो । उहाँले माओवादीका धेरै साथीहरु एमालेमानै रहेको र फर्कने क्रम जारी नै रहेको बताउनुभयो । उहाँले एकीकृत समाजवादी, नेता बामदेव गौतमसंग एकता अभियानमा लागेका सबै साथीहरु एमालेमा फर्किएकाले अब देशलाई नेतृत्व गर्ने पार्टी एमाले भएको बताउनुभयो ।
उहाँले भन्नुभयो, "मधेशवादी दल र नेपाली कांग्रेसबाट समेत तल्लो तहमा नेता कार्यकर्ताहरु लामबद्ध भएर एमालेमा फर्किरहेका छन ।" उहाँले अगाडि भन्नुभयो, "नेकपा एमालेलाई बिभाजित गर्न राष्ट्रिय र अन्तर्राष्ट्रिय शक्ती लागेतापनी हामीहरु एक छौँ । हामी बर्दियाको बिकास र समृद्धिका निम्ती काम गर्छौँ । अब आउने निर्वाचनमा बर्दियाका सबै पालिकामा एमाले नेतृत्व आउँछ र बर्दियाको विकासमा सबै पार्टीसंग समन्वय र हातेमालो गरेर अगाडि बढ्छ ।"
कार्यक्रममा नेताहरुले शुक्रबार, पुस २३, २०७८ भोली बन्दसत्र हुने र सर्वसहमतिका आधारमा नेतृत्व चयन हुने जानकारी दिए । कथंकदाचित सर्वसहमती नभए निर्वाचन गरिने र निर्वाचनकालागी गर्नुपर्ने आवश्यक काम-कारबाही गरिसकिएको नेताहरुले जानकारी दिए ।
कार्यक्रममा नेपाल पत्रकार महासंघ बर्दियाका अध्यक्ष यादव आचार्य, प्रेस चौतारी बर्दियाका अध्यक्ष डिलप्रकाश गौतम, जिल्लाका पत्रकारहरुको उपस्थिति रहेको थियो । आज भएको उक्त कार्यक्रममा एमाले नेता तथा कार्यकर्ताहरुको उल्लेख्य उपस्थिति रहेको थियो ।
