प्रचण्डले भने, ‘सर्वोच्चमा देखिएको समस्या एक-दुई दिनभित्रै समाधान हुन्छ’

राजनीति

Home
राजनीति
प्रचण्डले भने, ‘सर्वोच्चमा देखिएको समस्या एक-दुई दिनभित्रै समाधान हुन्छ’

प्रचण्डले भने, ‘सर्वोच्चमा देखिएको समस्या एक-दुई दिनभित्रै समाधान हुन्छ’

धनुषा । नेकपा (माओवादी केन्द्र)का अध्यक्ष पुष्पकमल दाहाल प्रचण्डले सर्वाेच्च अदालतमा देखिएको समस्या छिट्टै समाधान हुने बताउनु भएको छ । उहाँले भन्नुभयो “ सर्वाेच्चको समस्या एक÷दुई दिनभित्र सर्वाेच्चबाट नै सल्टिने छ । ”

महोत्तरीको रामगोपालपुर नगरपालिकाको कार्यक्रममा सहभागी हुन आउनुभएको अध्यक्ष प्रचण्डले जनकपुरधाम विमानस्थलमा आज सञ्चारकर्मीसँग सङ्क्षिप्त कुराकानीका क्रममा समस्याको छिट्टोभन्दा छिटो समाधान गर्न सरकारले आफ्नो–आफ्नो ठाउँबाट पहल गरिरहेको बताउनुभयो ।

उहाँले भन्नुभयो, “आशा गरौँ, विवाद अदालतबाट नै सल्टियोस् । हामी अदालतबाटै एक–दुई दिनभित्र समस्या समाधान होस् भन्ने चाहेका छौँ ।”

उहाँले अदालतमा देखिएको समस्या एक–दुई दिनमा समाधान नभए राजनीतिक रुपमा हल गरिने बताउनुभयो । सरकारलाई सहयोग गर्न गठित पाँचदलीय गठबन्धन समन्वय समितिको बैठकले सन्तुलित वक्तव्य दिइसकेको जनाउँदै उहाँले यस विषयमा थप बोल्न आवश्यक नरहेको बताउनुभयो ।

प्रकाशित मिति: बुधबार, मंसिर १, २०७८ १६:००

प्रतिक्रिया दिनुहोस्