लुम्बिनी प्रदेशका मुख्यमन्त्री विरुद्ध विपक्षी दलहरु अदालत जाने, नियुक्ति असंवैधानिक भएको भन्दै अदालत जाँदै

राजनीति

Home
राजनीति
लुम्बिनी प्रदेशका मुख्यमन्त्री विरुद्ध विपक्षी दलहरु अदालत जाने, नियुक्ति असंवैधानिक भएको भन्दै अदालत जाँदै

लुम्बिनी प्रदेशका मुख्यमन्त्री विरुद्ध विपक्षी दलहरु अदालत जाने, नियुक्ति असंवैधानिक भएको भन्दै अदालत जाँदै

बुटवल । लुम्बिनी प्रदेशका मुख्यमन्त्री शंकर पोखरेलको नियुक्ति असंवैधानिक भएको भन्दै लुम्बिनी प्रदेशका विपक्षी दलहरुले अदालत जाने निर्णय गरेका छन ।

बुधबार बसेको चार दलको बैठकले वैशाख १९ मा पोखरेलको मुख्यमन्त्रीमा नियुक्ति संविधानको भावना र मर्म विपरीत भएको भन्दै नियुक्ति बदरको माग गर्दै न्यायिक उपचारमा जाने निर्णय गरेको हो ।

प्रदेशसभामा पोखरेलको पक्षमा बहुमत नभए पनि प्रदेश प्रमुख धर्मनाथ यादवले उहाँलाई मुख्यमन्त्री नियुक्त गरेको विपक्षी दल माओवादी केन्द्र, नेपाली कांग्रेस, जनता समाजवादी पाटी र राष्ट्रिय जनमोर्चाको दावी छ ।

प्रदेश प्रमुख धर्मनाथ यादवले वैशाख १९ मा ठूलो दलको हैसियतमा एमाले संसदीय दलका नेता शंकर पोखरेललाई दोस्रोपटक मुख्यमन्त्रीमा नियुक्ति गर्नुभएको थियो ।

हेर्नुहोस् लुम्बिनी प्रदेशका विपक्षी दलहरुले गरेको निर्णय