रामबहादुर थापालाई जिताउन भन्दै ओलीको अपिल; पार्टी एकतालाई सुदृढ गर्नु सवैको कर्तव्य हो

राजनीति

Home
राजनीति
रामबहादुर थापालाई जिताउन भन्दै ओलीको अपिल; पार्टी एकतालाई सुदृढ गर्नु सवैको कर्तव्य हो

रामबहादुर थापालाई जिताउन भन्दै ओलीको अपिल; पार्टी एकतालाई सुदृढ गर्नु सवैको कर्तव्य हो

काठमाडौँ । नेकपा (एमाले) का अध्यक्ष तथा प्रधानमन्त्री केपी शर्मा ओलीले वागमती प्रदेशमा हुने राष्ट्रिय सभा सदस्यका लागि बिहीबार हुने उपनिर्वाचनमा एमालेका उम्मेदवार रामबहादुर थापलाई जिताउन अपिल गर्नुभएको छ ।

राष्ट्रियसभाको भोली हुने उपनिर्वाचनमा आफ्ना तर्फका उम्मेदवार रामबहादुर थापालाई जिताउन भन्दै ओलिले अपिलमा भन्नुभएको छ,‘अहिले पार्टीभित्र देखापरेका समस्या समाधान गरी पार्टीलाई एकताबद्ध बनाउनका लागि कार्यदल बनेर काम समेत सुरु भैसकेको छ । यस परिप्रेक्ष्यमा पार्टी एकतालाई सुदृढ गर्नु हामी सवैको कर्तव्य हो । पार्टीको आधिकारिक उमेदवारविरुद्ध उम्मेदवारी दिनु लाखौं जनताको हृदयमा रहेको निर्वाचन चिन्हलाई अवमूल्यन गर्नु र पार्टी निर्णयको विपक्षमा उभिएर मत खसाउने जस्ता विषय हाम्रो जस्तो पार्टीमा कल्पना बाहिरको कुरा हो ।’

उपनिर्वाचनमा कांग्रेस र माओवादी केन्द्रको समर्थनमा खिमलाल देवकोटा प्रतिस्पर्धामा हुनुहुन्छ । आफूलाई स्वतन्त्र उम्मेद्वार भनेर चिनाउने देवकोटालाई जसपाको बाबुराम भट्टराई–उपेन्द्र यादव समूह र एमालेको झलनाथ खनाल-माधव नेपाल समूहको समेत समर्थन रहेको छ ।

ओलीले जेठ ६ गते वागमती प्रदेशबाट प्रतिनिधित्व हुने राष्ट्रियसभा सदस्यको रिक्त पदमा रामबहादुर थापा पार्टीका आधिकारिक उम्मेदवार भएको भन्दै निर्वाचनमा एकताबद्ध भएर आफ्नो पार्टीका उम्मेदवारलाई विजयी बनाउन अपिल जारी गर्दै अनुरोध गर्नुभएको छ ।

हेर्नुहोस् नेकपा (एमाले) का अध्यक्ष तथा प्रधानमन्त्री केपी शर्मा ओलीले जारी गरेको अपिल