न्यायाधीशहरू अनुपस्थित भएपछि (फूल कोर्ट) बैठक बस्न सकेन, संकटमा प्रधानन्यायाधीश जबरा

स्वास्थ्य

Home
स्वास्थ्य
न्यायाधीशहरू अनुपस्थित भएपछि (फूल कोर्ट) बैठक बस्न सकेन, संकटमा प्रधानन्यायाधीश जबरा

न्यायाधीशहरू अनुपस्थित भएपछि (फूल कोर्ट) बैठक बस्न सकेन, संकटमा प्रधानन्यायाधीश जबरा

काठमाडौँ । प्रधानन्यायाधीश चोलेन्द्र शम्शेर जबराका गतिविधिप्रति प्रश्न उठाइरहेका सर्वोच्च अदालतका न्यायाधीशहरू अनुपस्थित भएपछि सर्वोच्च अदालतमा आज बस्ने भनिएको प्रधानन्यायाधीशसहित न्यायाधीशहरूको पूर्ण बैठक (फूल कोर्ट) बस्न सकेन ।

न्यायाधीशहरू प्रधानन्यायाधीश जबराका कदमप्रति असन्तुष्ट भएपछि उहाँले सोमबार बोलाएको फुलकोर्ट बैठक बस्न सकेन ।

प्रधानन्यायाधीश राणासहित सर्वोच्च अदालतका सम्पूर्ण न्यायाधीशहरूको पूर्ण बैठक आजका लागि बस्ने भनी प्रधानन्यायाधीश र नेपाल बार एसोसिशनबीच आइतबारको भेटमा तय भएको थियो । न्यायाधीशहरू बैठकमा उपस्थित नभएपछि बैठक बस्न नसकेको हो ।

जबराका गतिविधिप्रति प्रश्न उठाइरहेका सर्वोच्च अदालतका १३ जना न्यायाधीशहरूले छुट्टै बैठक बसेका थिए । न्यायाधीशहरूको बैठकले अहिले अदालतभित्र देखिएका विचलन र प्रधानन्यायाधीशको भूमिकाबारे समीक्षा गरेको छ ।

न्यायाधीशहरूले जबराको फूल कोर्ट बहिस्कार गरेपछि प्रधानन्यायाधीश जबरा एक्लिनुभएको छ भने पद त्याग गर्न नैतीक दबाब समेत पर्न गएको छ । प्रधानन्यायाधीश जबराको पद पनि संकटमा परेको छ ।

आज प्रधानन्यायाधीशले तोक्नुभएको इजलासमा सुनुवाइ पनि हुन सकेन । न्यायाधीशहरू छुट्टै छलफलमा भएका कारण उक्त इजलासमा सुनुवाइ हुन नसकेको हो ।

न्यायाधीशहरूबीच मङ्गलबार प्रधानन्यायाधीश राणालाई भेटी उहाँका गलत गतिबिधी प्रती ध्यानाकर्षण गराउने विषयमा छलफल भएको छ ।

प्रकाशित मिति: सोमबार, कात्तिक ८, २०७८ १७:४७

प्रतिक्रिया दिनुहोस्