नेपालगन्जको जमुनाह नाका भएर भित्रिने सम्पुर्ण नेपालीलाई खोप

स्वास्थ्य

Home
स्वास्थ्य
नेपालगन्जको जमुनाह नाका भएर भित्रिने सम्पुर्ण नेपालीलाई खोप

नेपालगन्जको जमुनाह नाका भएर भित्रिने सम्पुर्ण नेपालीलाई खोप

नेपालगन्ज : कोरोनाका कारण बन्द रहेको बाँकेको जमुनाह नाका हाल पुर्णरुपमा खुलेको छ। नाका सुचारु भएसंगै नेपालबाट भारत र भारतबाट नेपाल आउने नेपालीहरुको संख्या बढ्दो छ।

विशेषगरी नेपालीको महान चाड दशैं मनाउन घर फर्किने नेपालीहरूको लर्को जमुनाह नाकामा लाग्ने गरेको छ। यसैक्रममा, जमुनाह नाका भएर भित्रीने सम्पुर्ण नेपालीहरुलाई अनिवार्य कोरोना विरुद्धको खोप लगाइने भएको छ।

बाँकेका प्रमुख जिल्ला अधिकारी शिबराम गेलाल, नेपालगन्ज उपमहानगरपालिकाका उप-प्रमुख उमा थापा मगर, बाँके प्रहरी प्रमुख एसपी श्याम कृष्ण अधिकारी र सशस्त्र प्रहरी बाँके प्रमुख एसपी अशोक बमले संयुक्तरुपमा गएको टोलीले नाकाको निरीक्षण गर्दै व्यवस्थित गर्न निर्देशन दिएका छन् ।

नेपालीहरुको स्वास्थ्यलाई ध्यानमा राख्दै भारतबाट रोजगार गरि वा अन्य कामले जमुनाह नाका भएर आउने सबैलाई कोरोना विरुद्धको खोप लगाउने व्यवस्था मिलाइएको बाँकेका प्रमुख जिल्ला अधिकारी शिवराम गेलालले बताए।

नाकामै खोप लगाइने भएपछि नेपाल भित्रीने हरेक नेपालीलाई एक खालको राहत मिल्ने विश्वास समेत लिइएको छ।

प्रकाशित मिति: बिहीबार, असोज २१, २०७८ १४:४०

प्रतिक्रिया दिनुहोस्